Mag-uuma, pugsanong gidakop sa PNP
Pugsanong gidakop sa mga pulis si Gina Montenegro, 46 anyos, menyo, usa ka mag-uuma didto sa iyang panimalay sa Purok 3, Hinapuyan, Carmen, Surigao del Sur bandang alas 7:00 sa gabie kaniadtong Hulyo 22, 2022.
Gibutang-butangan si Montenegro og ebidensya sa mga pulis nga usa ka .45 nga pistolang gisulod sa selopin, aron magsilbing balido ang pagdakop kaniya. Sa kasamtangan nag-atubang ang biktima sa kasong rebelyon.
Dili na kini bag-o nga insidente sa pagpangdakop sa mga yanong mag-uuma isip mga suporter kuno sa rebolusyonaryong kalihukan. Sama sa nanglabay’ng mga rehimen, ang bag-ong gituboy nga itoy sa imperyalistang US nga si Bong-Bong Marcos Jr. gidahom na sa katawhang gipahimuslan ug gidaogdaog nga magpagrabe pa sa mga pagpanglapas sa tawhanong katungod.