Ti maikadua nga asembliya ti Katipunan ng Samahang Mala-manggagawa – Cordillera Peoples Democartic Front (KASAMA-CPDF) ket naimbaligian ken natalged nga naangay ditoy rehiyon Kordilyera na adda tema na nga “Adawen dagiti napapateg nga adal ti pannakilaban ti anakling-et ti Pasismo iti Estado! Indaluan ti nalawa a masa nga mala-mangmangged iti dalan ti Naillian a Demokratiko a Rebolusyon ti Umili! Palawaen ken Konsolidaen ti KASAMA-CPDF!” Ti asembliya ket naatendaran dagiti opisyales ken kameng iti KASAMA-CPDF a nagapu iti nadumaduma a komunidad ken sektor ti mala-mangmangged.

Naibingay kadagiti inmatendar dagiti naramidan ken nagun-udan ti Balangay iti napalabas a tallo a tawen. Kas naibingay ni Ka Goryo, “Iti napalabas a tallo a tawen ket sinango tayo iti baro ken narigat a kasasaad gapu iti Pandemya ken Kontra-Rebolusyonaryo a giyera ti rehimen. Nu man pay kasta ket addu latta ti naaramidan tayo kas namintanar tayo ti 60% nga abereyds ti panagpalawa iti kameng ken namintanar tayo met laeng ti panagpanagtignay iti kaaduan wenno 60% ti kameng iti KASAMA-CPDF, nabukkel tayo ti 6 nga grupo nga pang-organisa sajay nadumaduma a komunidad ken sektor ti mala-mangmangged, regular nga naisayangkat tayo iti miting iti Council of Leaders tayo, nasustinar tayo ti nargeta a rebolusyonaryo nga innadal ken istoryaan, naibuwelo tayo ti panagserbi tayo kas dulig iti tignayan ti umili, ken adda nasurok a Php15,000.00 a gatad nga naited tayo kas tulong ken suporta a pinansyal, lohitikal ken materya iti kakadwa a kameng iti Bagong Hukbong Bayan (BHB).”

“Daytoy nga naarimadan tayo ket resulta ti kolektibo a panagtignay ken nairut nga panag-iggem tayo ti rebbengen tayo kas rebolusyonaryo a organisasyon. Iti bangir na daytoy nagun-udan tayo ket addu pay ti masapol tayo nga padurasen ken sangoen. Dagiti masapol tayo nga padurasen pay ket ti naregta ken nairut a panangidaulo ken panagpatignay ti nalawa pay a mala-mangmangged iti dalan ti rebolusyon ken tuloy-tuloy panagpalawa ken panagpatibker ti KASAMA-CPDF” innayon pay ni Ka Goryo.

Inikkan ti asembliya ti kangutuan a pammadayaw dagiti banwar ken martir ti rebolusyon lallalo dagiti nagserbi ken nagapu iti mala-mangmangged a nagbalin a kameng ti BHB ken dagiti saan.

Inaprubaran daytoy nga asembliya Dagiti Annuruten ken Paglintegan ti KASAMA-CPDF ken Pangkabuklan a Programa para iti sumarano a tallo a tawen. Ti nabukkel ken napagkaykaysaan a pangkabuklan a programa ket “Indaulan ken Patignayan ti nalawa a masa ti mala-mangmagged iti dalan ti Naillian a Demokratiko nga Rebolusyon ti Umili! Palawaen ken Konsolidaen ti KASAMA-CPDF!” Naisimpa met laeng dagiti tumaktakder a Komite a Tagipatungpal (KT) para iti sumaruno a tallo a tawen.

Nalpas ti asembliya nga natibker ti pangegdeng amin nga inmatendar nga agpatuloy nga agtignay para ti rebolusyon ken ipatungpal amin nga napagkaykaysaan.###