Sandig sa mando sang Rebolusyonaryong Korte sang Pumuluyo, ginpatuman sang isa ka yunit sang Roselyn Jean Pelle Command-New People’s Army (RJPC-NPA) ang pagsilot kay Jury Gani, 54 anyos, sa Sityo Minasug-ang, Barangay Tabun-ac, Toboso, Negros Occidental, kagaina, Mayo 14, pasado alas 7:00 sang aga.

Isa siya ka aktibo kag masupog nga intel aset sang #DiMasaligan79IB. Nagapanilag, nagapamahug kag nagapanudlo sa mga pumuluyo nga ginpasibangdan nga nagasuporta ukon mga katapo sang NPA sa ila lugar.

Isa ka tingkad nga insidente nga bangud sa pagpamahug ni Gani, may isa ka residente sa Barangay Bandila, sa amo nga banwa, nga na-troma kag nagresulta sa iya paghikog. Ginpasibangdan ang amo nga residente nga nagtago sang armas sang NPA kag nagpasaka sa ila.

Nagapamaligya man siya sang shabu nga nakahalit sa mga pamatan-on kag nagagamit man sini.

Nagapanghalit man siya sa mga propyedad sa pumuluyo kaangay sa pag-utod-utod sa hose sang iya kaingod para iya ma-solo angtubig para sa irigasyon sa talamnan.

Isa man siya sa goons ni SB member Martin Ballesteros.

Ginapanawagan sang RJPC-NPA ang tanan nga intel aset nga ginagamit sang Armed Forces of the Philippines (AFP) sa ila mahigko nga gyera kontra-insurhensya kag mga nagabaligya sang iligal nga droga nga magsurender sa pinakalapit nga yunit sang NPA. Indi magpangduha-duha ang NPA sa pagdepensa para sa kaayuhan sa pumuluyo kag pagsilot sa mga nagapanghalit sa ila.