Diri ungod nga mayaon nakumpiska nga armas an 78th Infantry Battalion tikang sa Bagong Hukbong Bayan (BHB) sa Barangay Osmeña, Palapag, Northern Samar san Disyembre 11, 2025. An ginsapubliko nira nga riple nga M653 una na nira nga ginkumpiska san Agosto 27, 2025 pa sa Barangay San Jose, Mapanas. Kapot ini sadto ni Motaw Ortazo (Ka Ibaro), Pula nga mangaraway nga mabayanihon nga naghalad sin kinabuhi sa agway.

Tatak san 78th IB an pagpapasamwak sin buwa nga balita. San Hulyo 6, ginsering sini nga nakag-ukad sira sin command-detonated explosives (CDEx) san BHB sa Barangay Magsaysay, Mapanas, bisan kun waray naman gintago nga bomba dinhi an BHB. Gintahuban liwat san 78th IB an kahadlok ngan ugmad san masa dara san ira panmomba ngan pangistraping sa Barangay Nipa, Palapag san Nobyembre 29, bisan kun nagsamwak na sa social media an mga bidyo nga nagpapamatuod sini.

Sa ira pauru-utro nga butaray nga pagbinuwa, nabubuksas an desperasyon san ira kumander nga si Lieutenant Colonel Francis D. Rosales nga maglanat sin pagdayaw ngan pahalipay. Katapus-tapusan nagawas nga pataraw-an la siya.

Gin-aaghat namon an publiko nga magin mabinantayon sa mga pahayag san 78th IB ngan bug-os nga pasista nga militar. Magbuligay kita nga ibuksas an ira mga buwa ngan igsapubliko an militar nga paghahadi nga ira ginsasarab sa mga komunidad san parag-uma.