Samtang lapnagon ang gutom, kawawad-on sang trabaho, madamo nga pamatan-on ang indi maka-eskwela, wala sang kaugalingon nga duta ang mga mangunguma, padayon ang pagpamatay kag pang aresto sang gobyerno sa pumuluyo nga naga bato para sa ila nga kinamatarong, wala na sang iban pa nga padulongan ang mga pamatan-on kundi ang bag-ohon ang sistema nga naga tuga sini pamaagi sa pag rebolusyon.

Mataas nga pagpasidungog ang ginapaabot sang Kabataang Makabayan Panay sa tanan niya nga mga miyembro, sa pumuluyo nga nagabato kag mga martyr sang pungsudnon demokratikong rebolusyon. Sa ika-60 na anibersaryo sang Kabataang Makabayan madamo na kita nga pagtilaw kag kasubong man nga kadalag-an ang aton na-angkon.Klaro sa gihapon ang aton ulubrahon bilang mga pamatan-on nga muklat sa matuod nga kahimtangan sang katilingban: pukawon ang tanan nga malab-ot nga pamatan-on, mag-upod sa paghimakas sang masang pigos, kag usuyon ang dalan sang armado nga paghimakas.

Partikular nga biktima sang subong nga katilingban ang pamatan-on gani madalum nga bubon sang rebolusyon ang pamatan-on. Padayon ang pagpabaya sang reaksunaryo nga gobyerno sa kaayuhan, kinamatarung, kag interes sang pamatan-on. Samtang nagagasto ini sang minilyon para sa armas pang-gyera nagapadayon nga manubo ang badyet sa edukasyon, gani madamo nga pamatan-on partikular nagahalin sa sahi sang mangunguma kag mamumugon ang nagakapilitan mag-untat sa pag-eskwela. Ang pamatan-on estudyante naga-atubong man sila sang garok na mga pasilidad kakulangan sang manunudlo kag klasrum. Dugang pa gid ang padayon nga represyon sa sulod sang mga eskwelahan klaro nga ihemplo sini ang mga kaso sang red-tagging, intimidasyon, kag pagbawal sang mga progressibo na organisasyon.

Desperado ang gobyerno sa pagpugong nga mangin kritikal ang pamatan-on kag pumuluyo gani pati mga pribado nga eskwelahan gusto gamiton nga instrumento sa pagpang redtag sang mga estudyante kag manunudlo paagi sa pagsulod sa dikta sang NTF-ELCAC.

Imbes sabton kag ipasiguro sang gobyerno ang masanag nga bwas damlag para sa aton mga pamatan-on nga may ara sang makabuhi nga trabaho, katilingban nga may pagulikid sa iya pumuluyo, may pagrespeto sa tawhanon nga kinamataraong, kag hustiysa, kabaliktaran ang gina ubra sini–cheap labor export policy ang gusto nya nga direksyon sang mga pamatan-on, pagpribatisa sang tanan nga mga serbisyo sosyal, pagpangland grab sang mga kadutaan sang mga IPs kag mangunguma, pagpahipos sang mga nagabato para sa aton kinamatarong, padayon nga EJKs, kag wala untat nga pagpangurakot sa kwarta sang pumuluyo.

Gani makita naton nga wala sang puturo ang pamatan-on sa mala-kolonyal kag malapyudal na katilingban.
Katilingban nga yara sagihapon sa kontrol sa dalagkuan nga pungsod kaangay sang Estados Unidos.
Katilingban nga ang mga mangunguma nga nagapakaon sa iya pumuluyo amo ang wala sang kaugalingon nga duta, wala man sang makaon. Katilingban nga ang mismo nga gobyerno ang gahuthot sang kwarta sang iya pumuluyo kag igasto sa mga korap nga politiko imbes nga ihatag sa kinahangalnon sang pumuluyo.

Ini tanan nga itsura sang imperyalismo, pyudalismo, kag burukrata kapitalismo ang nagapamuklat sa pamatan-on nga paagi lamang sa pagbag-o sang katilingban maangkon niya ang kinamatarung kag kaayuhan.
Waay na sang iban nga dalan padulong sa kahilwayan nga ini kundi ang pagbit-bit sang armas kag pag-gabot sang mga haligi sang pwersa sang reaksyon.

Hind krimen ang pag-alsa batuk sa inhustisya! Hindi krimen ang pagbago sang isa ka bulok nga sistema! hindi krimen ang pagiging rebolusyonaryo!

Paagi lamang sa rebolusyon nga ginapamunuan sang partido sang proletaryado matuod-tuod nga malab-ot sang pamatan-on ang ila mga handum nga masanag nga buwas damlag . Gani hangkat sa tanan nga mga pamatan-on nga ihalad ang ila kinaalam kag kapagsik sa pungsodnon demokratiko nga rebolusyon paagi sa pag intra sa bagong hangaway sang banwa tubtub manangkon naton ang kadalag-an kung sa diin may katilingban nga may pagalalangay, pagulikid sa ikaayuhan sang pumuluyo kag hustisya.

Mabuhay ang Kabataang Makabayan!
Mabuhay ang CPP-NPA-NDF!