Pinakataas nga pasidungog kang Ka Louie sa iyang dedikasyon ug kontribusyon para sa pagsulong sa demokratikong rebolusyon alang sa pangkinatibuk-ang kagawasan. Dili bisan kanus-a mawala sa kasing-kasing ug panghuna-huna sa mga kauban ang iyang mga bulawanong tampo sa tibuok rebolusyonaryong kalihukan hilabina sa armadong pakigbisog ug sa hisgutanan sa malungtarong kalinaw taliwala sa nagtunhay nga gyera sibil sa Pilipinas.

Bisan naggikan si Ka Louie sa usa ka adunahang pamilya sa isla sa Negros, napukaw siya sa kalisdanan ug pag-antus sa mga mamumuo sa katubhan.

Gipili ni Ka Louie ang dalan sa pagserbisyo alang sa interes sa hut-ong linupigan ug gipahimuslan. Daghang kalisdanan ang iyang naagian ilabina sa panahon sa Martial law ni Marcos Sr, apan padayon siyang nagmalig-on sa pagsulong sa rebolusyon. Wala mapalong ang kandila sa iyang pagsalmot sa mga rebolusyonaryong gimbuhaton. Usa siya ka sulundon nga anak sa nasud.

Namatay man si Ka Louie apan magpadayon nga malig-on ang Partido Komunista sa Pilipinas ug ang National Democratic Front of the Philippines ug ang tanang rebolusyonaryong pwersa nga nagkuha usab og inspirasyon gikan kang Ka Louie.

Magpabilin nga buhing handumanan ang iyang maayung binuhatan ug ang iyang walay paglubad nga pagmahal sa masang kabus.

Padayon natong huptan ug hatagan og importansya ang iyang natampo sa rebolusyon, ug ipadayon ang integridad ug panindugan para sa katawhang linupigan ug gipahimuslan hasta makab- ot ang kalampusan.

Mabuhay ang mga buhing handumanan ni Ka Louie Jalandoni!

Ipadayon ang iyang bantugan nga rebolusyonaryong kabilin!