Ang padayong operasyong kombat sa 79th IB sa AFP ug 6th SAF sa PNP sa syudad sa Escalante ug mga lungsod sa Toboso ug Calatrava sa Negros Occidental ang nagsige dugang sa listahan sa paglapas sa tawhanong katungod, hilabi na karong nagdomina sa iro-iro nga rehimen ang tandem nga Marcos-Duterte.

Sa Oktubre 2022 pa lang, daghang paglapas sa katungod ang gihimo sa nasambit nga tropa sa kaaway, gibuhian nila ang kapakyasan sa ilang operasyong militar pinaagi sa pag-atake sa mga dili armado nga mag-uuma.

Sukad Oktubre 19, ang usa ka semana nga kumpanya kadakuon nga operasyong militar sa gikumbina nga elemento sa 79th IB ug 6th SAF ni-atake sa mga komunidad sa mag-uuma sa mga barangay sa Macasilao ug Winaswasan, Calatrava ug mga barangay sa Bug-ang ug Magticol sa Toboso. Dili muubos sa pito (7) ka mag-uuma ang gitaho nga nakaagi og interogasyon, paghulga ug intimidasyon; dili muubos sa lima (5) ka panimalay ang gisaka-saka; ug usa (1) ka balay ang gi-ransak diin iligal nga gikuha ang usa ka handheld radio. Ang mga handheld radio, puli sa mga selpon, ang kasagarang gigamit sa mga residente para sa komunikasyon tungod nga walay signal sa selpon sa ila lugar.

Sa tunga-tunga sa Oktubre, ang mga mag-uuma nagtaho nga ang 79th IB nagkontrol sa lihok sa katawhan sa Barangay Minapasuk, Calatrava nga miresulta sa kalisdanan sa mag-uuma nga maka-deliber sa ila produkto sa merkado. Mahinumduman nga ang maong mga residente ang nakasinati sa brutalidad sa AFP kaniadtong Hunyo 2022. (Basaha: Gipanginwala sa RJPC-BHB ang Armadong Engkwentro sa Minapasuk, Calatrava)

Unang semana sa Oktubre, ang mga residente sa Barangay Pinapugasan, syudad sa Escalante ug Barangay San Isidro, Toboso nakasinati og higanteng operasyong kombat diin ang wala mataho nga ihap sa mga residente ang nakasinati man og interogasyon, pagpanghulga ug intimidasyon ug may dili muubos sa lima (5) ang gintaho nga insidente sa pagkampo sa komunidad, sama sa istraktura sa relihiyoso ug panimalay sa sibilyan.

Ang Roselyn Jean Pelle Command – Northern Negros Guerilla Front sa Bagong Hukbong Bayan (RJPC-BHB) ang nag-beripika pa sa impormasyon sa dugang paglapas sa katungod nga nasinati atol ang operasyong kombat sa 79th IB ug 6th SAF sa pipila ka lugar.

Ang reaksyunaryong elemento sa 79th IB ug 6th SAF unta adunay mandato nga mag-alagad ug magdepensa apan ang ila mga kahimuan nagpakita sa kabaliktaran, hinungdan nga ang residente sa norte nga bahin sa Negros makabatyag nga dili luwas ug nahadlok sa ila kinabuhi panahon nga ang tropa sa kaaway ang magbisita sa ila komunidad.

Ang mga residente naghulagway sa bag-ong rehimen sa tandem nga Marcos-Duterte isip pagpadayon sa rehimeng US-Duterte diin ang kinabuhi sa sibilyan ang wala gihatagan sa nagakaigong importansya para lang maabot ang ilang tumong militar, sa ingon, dugang nga pagpanglapas sa tawhanong katungod ang gipaabot.

Ang RJPC-BHB balik nga nagapanawagan sa katawhan sa norte nga bahin sa Negros nga maghiusa sa tanang nakigbisog nga masa ug hagita ang pagpangdomina sa militar. Ang kusog sa nagkahiusang katawhan ang mas makagagahum kay sa ripleng awtomatik ug sa batalyon gidakuon nga operasyong kombat.