Giambus sa Bagong Hukbong Bayan (BHB)-Central Negros ang nag-operasyong mga tropa sa 62nd IB sa Sityo Tabago, Barangay Sandayao, Guihulngan niadtong Agosto 14. Wala kahibalo ang mga sundalo nga nasayran sa mga Pulang manggugubat ang ilang presensya. Pagduul nila sa kampo sa BHB, gipabusikaran sila og bomba. Napulo ka sundalo ang napatay ug duha ang nasamdan.

Samtang gipanghimakak sa BHB ang gipakaylap sa militar nga engkwentro sa Sityo Maluy-a sa parehong baryo kung asa napatay kuno ang usa ka manggugubat. Matud sa BHB, gitortyur ug gipatay sa mga sundalo si Requem Remasog nga usa ka mag-uuma. Pulos mga sibilyang menor de edad usab ang tulo ka gidakop sa mga sundalo.