Gideklara sa usa ka huwes sa Mandaluyong City nga “dili balido” ang search warrant nga gigamit aron utingkayon ang gipuy-ang balay sa mga aktibistang silang Lady Ann Salem ug Rodrigo Esparago niadtong Disyembre 10, 2020. Gideklara usab sa husgado nga dili mamahimong gamiton nga ebidensya ang “nasakmit” nga mga pusil ug eksplusibo gikan kanila. Sa ingon, walay kaso ang Philippine National Police batok sa duha. Mahinungdanong kadaugan kini sa tanang mga giaresto gamit ang depektibong mga search warrant ug gipahamtangan og gama-gamang mga kaso.

Ang dili balidong search warrant gipagula ni Judge Cecilyn Burgos-Villavert sa Quezon City, ang giilang “reyna sa pabrika sa mga warrant.”

Silang Salem ug Esparago lakip sa pito ka aktibistang iligal nga giaresto sa adlaw nga gidumdum ang Adlaw sa Tawhanong Katungod nga gitawag og Human Rights Day 7. Lakip usab dinhi silang Dennise Velasco; Mark Ryan Cruz, Romina Raiselle Astudillo, Jaymie Gregorio ug Joel Demate. Si Salem ang direktor sa online nga mantalaang Manila Today samtang ang unum mga aktibistang tigpanalipod sa katungod sa mga mamumuo.