Nananawagan ang Kilusang Magbubukid ng Pilipinas (KMP) niadtong Pebrero 1 nga paubsan ang presyo sa karneng baboy sa ang-ang niini niadtong 2019 ayha miigo ang African Swine Fever (ASF). Human kini nga misangko sa ₱400 ang presyo sa liempo ug ₱370 usab sa kasim. Matud niini, mamahimong paubsan ang presyo kung hatagan og tabang sa produksyon ug ayuda ang mga nagaalima og mga baboy.

Sa partikular, nanawagan ang KMP nga maggahin og ₱15,000 subsidyo alang sa mga tag-iya sa baboyan ug manokan, ug ₱10,000 usab nga ayuda alang sa mga konsyumer. Giduso niini nga ayuda, ug dili pautang ang mohaw-as sa katawhan gikan sa pagsaka sa presyo sa baboy.

Giduso usab niini nga kinahanglan ang epektibong interbensyon sa estado sa pagpalit ug pagbaligya sa karne aron mabungkag ang monopolyo sa pagpresyo ug pagpahimulos sa mga dagkung trader ug kartel. Mibarog kini nga dili importasyon ang solusyon sa taas nga presyo sa karneng baboy, manok ug uban pa nga ginaduso karon sa rehimen.

Gipirmahan sa parehong adlaw ni Rodrigo Duterte ang usa ka kamandoan nga magpahamtang sa “price ceiling” o maksimum nga ₱270/kilo sa presyo sa pigue sa baboy ug ₱300 sa liempo ug ₱160 sa manok. Ipatuman kini sugod Pebrero 8.