Upat nga lider-masa ngan aktibista ha Central Luzon (CL), ngan usa pa ha Cagayan Valley nga biktima han red-tagging gin-aresto ngan ginsalawdan han hinimuhimo nga mga kaso hadton semana santa. Tulo an gin-aresto ha CL hadton Marso 30.

Gin-aresto hi Joseph Canlas, tsirman han Alyansa ng mga Magbubikid sa Gitnang Luzon, ha Mexico, Pampanga. Aktibo hiya ha mga kampanya kontra ha panlupot ngan kumbersyon han mga umhanan ha rehiyon.

Gin-aresto liwat hi Florente Viuja Sr., lider-trabahador ngan presidente han Bayan-CL, ha Bambam, Tarlac. Kaupod niya nga ginaresto an paralegal han KarapatanCL nga hi May Arcilla.

Ha Bulacan, gin-aresto hadton Marso 26 hi Concepcion Opalla, dati nga lider han Kadamay nga namuno ha okupasyon han Pandi hadton 2017. Duha kaadlaw antes hiya igpakita han mga pulis.

Ha Southern Tagalog, gin-aresto hi Genelyn Dichoso, upisyal han Karapatan ngan iya anak nga hi Jennifer ha Calauag, Quezon hadton Abril 5. Han Marso 30, ginreyd han mga pulis an upisina han Alyansa ng Mangagawa sa Engklabo ha Santa Rosa, Laguna ngan naigo han mga pusil ngan pagbuto.

Ha Manalo, Amuling, Cagayan gin-aresto hadton Marso 24 hi Calixto Cabildo, tsirman han Anakpawis-Cagayan.

Samtang, diri makatadungan nga ginbulag kan Elizabeth Estilon, detenido pulitikal ha Sorsogon, an iya puya nga hi Prince Joel hadton Marso 27.