Ginpusil ngan napatay ha geyt han pabrika ha Barangay Canlubang, Calamba hi Dandy Miguel hadton Marso 28. Hi Miguel, trabahador han Fuji Electric Philippines, presidente han unyon dinhi nga Lakas ng Nagkakaisang Manggagawa sa Fuji Electric Philippines. Hiya liwat an bise presidente han Pagkakaisa ng Manggagawa sa Timog Katagalugan.

Ginpamunuan ni Miguel an pakigbisog han unyon para ha tinuig nga dugang nga suhol nga igpapatuman ha masunod nga tulo katuig ngan magpatuman han mga pankalibsugan nga pitad kontra Covid-19. Ikanapulo hiya ha mga aktibista nga ginpatay ha rehiyon hadton Marso.

Ha Camarines Norte, ginpatay han 96th IB hadton Marso 19 an mag-amay nga parag-uma nga hira Louis Buenavente ngan Jetly Buenavente. Ginlalanat hadto han mga sundalo an yunit han Bagong Hukbong Bayan (BHB) nga nagreyd ha mga pulis ha Purok 6, Barangay Dumagmang, Labo, Camarines Norte. Ginpagawas nga mga Pula nga mangaraway an mag-amay. Buong an mga nawong han mag-amay ngan mayda hira mga igo han bala ha dughan.

Panmomba. Masobra 15,000 nga residente ha 15 nga komunidad han mga Mangyan an nag-ebakwet durot han panganyon han 203rd IBde ha mga barangay giutan han Mansalay ngan Roxas ha Oriental Mindoro hadton Marrso 25-26. Pinakaapektado an mga taga-Panaytayan ha Mansalay ngan San Vicente ha Roxas.

Pagsikmit. Gindakop han mga sundalo han 203rd IBde an magbugto nga Kadlos ngan Jeremy Lukmay, mga residente han Sityo Kilapnit, Barangay Panaytayan, hadton aga han Marso 25. Hi Kadlos burod ngan usa nga magturutdo samtang estudyante an iya bugto. Waray pa hira igpakita han mga sundalo.