Gibasura sa Capiz Regional Trial Court Branch 21 ang unum ka search warrant nga gigamit sa mga pulis sa pag-atake sa 16 ka komunidad sa Tapaz, Capiz ug Calinog, Iloilo niadtong Disyembre 2020 nga nagresulta sa pagmasaker sa siyam ka Tumandok ug pag-aresto sa lain pang 16. Gimando na sa korte ang pagbuhi sa upat sa mga giaresto apan hangtud karon wala pa sila gipagawas.

Ikatulo na nga higayon nga gibasura ang mga gigamit nga mandamyento sa pagpangatake sa mga prubinsya nga gipagula sa mga korte nga nakabase sa National Capital Region. Ayha niini, gibawal na sa Korte Suprema ang pagpagula sa mga korte og mga search warrant alang sa mga lugar nga dili langkob sa ilang hurisdiksyon.