Ginreport sang Kilusang Magbubukid ng Pilipinas (KMP) sang Agosto 12 nga nagtaas ang presyo sang abono sang ₱200-₱400/bag sa nagligad nga duha ka bulan. Sa datos sang Department of Agriculture (DA), ang presyo sang prilled urea ₱1,415.99 kada bag, ₱1,393.32 sa granular urea, ₱778.79 sa ammosul kag ₱1,268.19 sa complete. Halos doble ang mga ini kon ikumparar sa presyo sang nagligad nga tuig.

Ginagamitan sang abono ang halos 85% sang mga palayan kag katunga sang mga utanon sa pungsod. Duso sang mga mangunguma nga dapat imbestigahan sang DA ang pagtaas sang presyo kag indi itodo ang pagbakal sang imported kag malahalon nga abono. Kadungan sang pagtaas sang presyo, nagtaas man ang presyo sang petrolyo kag mga pestisidyo.