Duterte, Marcos, wala sang kinatuhay

,

Ginpamunuan sang Bagong Alyansang Makabayan (Bayan) kag Campaign Against the Return of the Marcoses and Martia l Law (Carmma) ang protesta sang pumuluyo sa Manila sang Septyembre 21 bilang pagdumdom sa ika-49 tuig sang deklarasyon sang layi militar ni Ferdinand Marcos.

Suno sa mga nagprotesta, importante ang pagdumdom sa layi militar bangud sa pagluntad sang hibo sang pasismo kag mga pamahug sang pagkapyot sa pwesto sang tiranong si Duterte. Kinahanglan nga dumdumon ang madulom nga mga tuig para punggan ang pagbalik sang mga Marcos sa Malacañang kag rebisyunismo sang kasaysayan sini.

May kapareho nga mga paghulag sa mga syudad sang Baguio, Calamba, Cebu, Iloilo, Davao kag Cagayan de Oro, amo man sa Cavite kag Cagayan Valley.

Kadungan sini, nagkalampag ang mga mamumugon sa ikaayong lawas para sa makatawo nga pagtrato sa ila kubay sa Bacolod City. Isa ka adlaw antes sini, nagpiket man ang mga mangunguma sa sentro sang Bacolod City para dumdumon ang Escalante Massacre nga natabo sang panahon sang diktaduryang US-Marcos.

Sa luwas sang pungsod, ginlunsar ang koordinadong mga protesta sa United Kingdom, Hong Kong, Montreal sa Canada, France, Netherlands, Chicago, Manhattan sa New York, Seattle, South Korea kag Belgium.

Naglunsar man ang nagkalainlain nga grupo sang mga porum, protesta nga online, mga pagmiting kag iban pang porma sang mga aktibidad.

Duterte, Marcos, wala sang kinatuhay