Naglunsar sang operasyon isnayp ang Bagong Hukbong Bayan (BHB)-Central Negros batuk sa detatsment sang militar sa Barangay Budlasan, Canlaon City, Negros Oriental sang Septyembre 22. Gintigayon ang armadong aksyon bilang paghatag hustisya sa masaker sa mga mangunguma sa amo nga lugar sang Marso 2019. Isa ka suldado sang 62nd IBPA ang napatay sa armadong aksyon.

Gin-atake sang BHB-South Central Negros ang nahamulag nga nagaoperasyon nga yunit sang 94th IBPA sa Sityo Kubay-Anahaw, Barangay Carabalan, Himamaylan City sang Oktubre 1. Apat ka suldado sang 94th IB ang nararong sa 10-minuto nga inaway.

Sa Camarines Sur, gin-isnayp sang BHB-East Camarines Sur ang nagaoperasyon nga tropa sang 83rd IB sa Barangay Scout Fuentebella, Goa sang Oktubre 1. Isa ang napatay nga suldado.
Napatay sa operasyon partisano sang BHB-Albay ang upisyal sa paniktik sang Philippine National Police-Guinobatan sa Barangay Peñafrancia, Daraga sang gab-i sang Septyembre 25. Imbolbado ang amo nga upisyal sa pagtukod sang lambat paniktik sa mga komunidad kag pila ka beses na nga nagpahamak sa masa.