Unum ka mag-uuma ang natahong iligal nga giaresto sa armadong mga ahente sa estado niining milabayng mga semana. Kadungan niing ang pagpangutingkay sa militar sa mga komunidad sa mag-uuma ug pagpamugos sa pagpasurender.

Niadtong Oktubre 17, gidakop sa mga pulis si Cristina Magistrado, kanhing organisador sa Amihan-Cagayan sa iyang balay sa Binangonan, Rizal subay sa gama-gamang kaso. Gidala siya sa istasyon sa pulis sa Tuguegarao City ug didto gipriso ug giinteroga.

Sa Sorsogon, giaresto human gitamnan og ebidensyang pusil si Sonny G. Nace ug giakusahang myembro sa Bagong Hukbong Bayan (BHB). Residente si Nace sa Barangay Tulatula Sur, Magallanes ug nanginabuhi isip ahente sa small-town lottery (STL).

Duha ka bulan na nga gialirungan sa 31st IB ug mga pulis ang dili moubos sa siyam ka barangay sa Donsol ug pito sa kasikbit ng lungsod sa Pilar. Giduso sa BHB-Sorsogon niadtong Oktubre 14 nga kapin 20 ka sibilyan gikan sa lugar ang gipig-ot ug gipwersang mosurender isip mga myembro sa BHB.

Niadtong Setyembre 27, gidakop sa 85th IB ang magtiayong Leonina Ilag ug Poli Naval sa Sityo Hagakhak, Barangay Malaya, General Luna, Quezon human nahitabo ang panagsangka tali sa usa ka yunit sa BHB ug 85th IB duul sa ilang balay.

Duha ka residente usab sa Barangay Maraiging, Jabonga, Agusan del Sur ang giaresto sa 29th IB human ang reyd sa BHB sa lugar niadtong Setyembre 28. Naila ang mga biktima nga silang Andre Pinao ug Tungan Lauro.