Gitaho sa Larab, rebolusyonaryong mantalaan sa Eastern Visayas (EV), niadtong Oktubre 2 nga nasilutan na sa Bagong Hukbong Bayan-EV si Jojo “Pekulo” Lucero, kriminal nga lakip sa mga mipatay kang Carlito Badion. Gipahamtangan siya sa rebolusyonaryong hustisya sa Ormoc City niadtong Hunyo 25.

Si Lucero nahukmang sad-an sa hukumang bayan (hukmanan sa katawhan) sa Leyte human napamatud-ang lambigit sa mipatay kang Badion, kanhing pangkinatibuk-ang kalihim sa Kalipunan ng Damayang Mahihirap, grupo sa mga kabus sa kasyudaran, niadtong Mayo 28, 2020 sa Barangay Riverside, Ormoc City. Sa gipahigayong imbestigasyon sa kaso, napamatud-ang anaa sa proteksyon sa pulis si Lucero. Matud sa nakalap nga impormasyon, “misurender” siya sa lokal nga yunit sa Philippine National Police (PNP) human mapatay si Badion. Wala siya gipasakahan sa unsamang kaso. Gipapauli na hinuon siya ug gihatagn og ganti ug suplay.

Kahinumduman nga ginapagawas sa PNP nga ang BHB ang nagpaluyo sa pagpatay kang Badion.