Upisyal na nga ginpubliko sang Commission on Elections (Comelec) sang Enero 30 ang upinyon ni Commissioner Rowena Guanzon sa kaso nga diskwalipikasyon batuk kay Ferdinand “Bongbong” Marcos Jr. Ginpaboran ni Guanzon ang apela nga dumilian nga magdalagan ang anak sang diktador bangud napamatud-an sang isa ka korte sa Quezon City nga nagkasala sa indi pagbayad sang iya mga buhis.

Sandig sa nakasulat niya nga husgar, “paliwat-liwat nga ginlapas” ni Marcos Jr. ang layi, nga nagakahulugan o kawad-on sang moral nga basehan para tubtob buhi siya nga idiskwalipika sa pagdalagan sa anuman nga pusisyon sa gubyerno. Gin-akusahan ni Guanzon ang kapareho niya nga komisyuner nga si Aimee Ferolino sang pagkaatrasar sa pagpagwa sang desisyon para mabalewala ang iya pusisyon. Natapos ang pagserbisyo ni Guanzon sa Comelec sang Pebrero 3 nga wala sang nalab-ot nga pinal nga desisyon. Sang Pebrero 2, nagrali ang demokratikong mga grupo sa atubang sang upisina sang Comelec para suportahan si Guanzon kag iduso sa ahensya nga gilayon nga ibasura ang kandidatura ni Marcos Jr.