Duha ka batalyon2 bata ang kasamtangang miokupar sa isla sa Masbate (populasyon: 908,920) sa desperadong pagsulay nga pakgangon ang mga pagsukol sa katawhan ug pukanon ang Bagong Hukbong Bayan (BHB) sa isla. Niining Pebrero, nataho nga kumpleto na ang pagdeploy sa 96th IB sa isla gikan Camarines Norte. Katugbang na niini ang 6.6 sundalo kada 10,000 katawo sa isla kontra sa 2.7 mamumuong panglawas kada 10,000 katawo sa milabayng mga tuig.

Ginasulting gipadala ang 96th IB aron langkuban ang 300 ka barangay sa isla nga mga hotspot kuno sa eleksyon. Ang tinuod, laraw niining labaw pang pahugton ang pagharihari sa militar sa daghang lugar sa isla. Ayha niini, ang maong batalyon kanhing nakadeploy sa Camarines Norte.

Adunay madugoong rekord ang 96th IB niadtong naa pa kini ilalum sa 902nd IBde nga misakop sa Camarines Norte ug pipila ka lungsod sa Camarines Sur. Tulo ka mag-uuma ang gitortyur, gipatay ug gilubong sa mabaw nga lubnganan sa Ragay, Camarines Sur niadtong Mayo 2018. Usa ka mag-amahan usab ang gipatay sa mga tropa niini sa Labo, Camarines Norte niadtong Marso 2020.

Sa pagbalhin sa batalyon sa Masbate, sigurado nga mas mograbe pa ang mga paglapas sa tawhanong katungod sa prubinsya. Matud sa datos sa National Democratic Front-Bicol, 74 sa 229 ka biktima sa ekstrahudisyal nga pagpatay gikan 2016 hangtud Enero 2022 ang nataho sa Masbate. Kini ang pinakadakung ihap sa rehiyon.

Dugang perwisyo sa masang Masbatenyo ang 2nd IB, usa ka pundok sa 31st IB, ang 93rd Civil Military Operations Company, usa ka kumpanya sa military intelligence, ug kapinkun-kulang tulo ka batalyon sa pwersang pulis.