Kapin 100 ka elemento sa Armed Forces of the Philippines ang miatake sa mga sityo sa Malikoliko ug Cunalom sa Barangay Carabalan ug sa Sityo Tigbao sa Barangay Buenavista, Himamaylan City, Negros Occidental niadtong Abril 22. Gipangita nila ang duha ka bulang bata ug 2-anyos nga mga anak kuno sa mga Pulang manggugubat. Giransak sa 30 sundalo ang upat ka balay sa Sityo Malikoliko aron pangitaon ang duha ka bata.

Gihulga sa mga sundalo ang lola sa mga bata ug pito pa ka residente. Kadungan niini, gikordon sa mga berdugo ang komunidad, gibawalang mogawas o moadto sa ang kinsaman sa ilang mga umahan. Sa kinatibuk-an, 42 ka indibidwal ang napalayas sa lugar—14 ang babaye ug 21 mga bata. Lakip dinhi ang paryente sa gipatay nga managsuong Jayson ug Arnulfo Sabanal niadtong Marso.

Pagpamatay. Paturagas nga gipabuthan sa mga tropa sa 48th IB ang lima ka mag-uuma sa Barangay Talisay, San Isidro, Davao Oriental niadtong Abril 23. Duha ang namatay gilayon samtang tulo ang giaresto ug gipagawas nga mga myembro sa Bagong Hukbong Bayan (BHB). Hugot kining gipanghimakak sa NDF-Southern Mindanao, matud nila, ang tinuod, walay Pulang manggugubat o yunit sa BHB sa lugar niadtong adlawa. Gikontra usab sa mga residente sa San Isidro ang maong pamahayag sa AFP.

Sa Sorsogon, gipatay sa mga sundalo sa 31st IB silang Alvin Orpiada, Randy Radana ug Christopher Nimo sa Sityo Small, Barangay Sta. Cruz, Donsol niadtong sayong kaadlwon sa Mayo 2. Gipagawas sa militar nga mga myembro sa BHB ang mga biktima nga namatay sa engkwentro.

Sa South Cotabato, gipatay sa mga ahente sa estado si Eugene Lastrella, myembro sa Bayan Muna ug kagawad sa Barangay Veterans, Surallah niadtong Abril 27. Gipusil siya samtang nagmaneho og motor sa kalsada sa Barangay Sinolon, T’boli.
Blokeyo. Nangblokeyo ang mga elemento sa PNP-SAF, 68th IB, 4th IB ug 67th IB sa mga lungsod sa Calintaan ug Rizal sa Occidental Mindoro gikan Abril 26 hangtud Abril 27 sa takuban sa paggukod sa usa ka yunit sa BHB. Gibawalan nila nga magdala og pagkaon ang mga mag-uuma sa ilang kaingin.