Ayuda alang sa mga biktima sa baha sa Quezon City. Nagprotesta sa upisina sa DSWD ang mga residente sa Barangay Tatalon, Quezon City niadtong Hulyo 18 aron iduso nga hatagan sila og pagkaon ug ayuda. Mga biktima sila sa taman-sa-leeg nga baha sa ilang komunidad niadtong Hulyo 16.

Krisis sa kuryente sa Mindoro. Liboan ka residente sa San Jose, Occidental Mindoro ang nagmartsa sa lungsod niadtong gabii sa Hulyo 16 para kundenahon ang perwisyong dala sa mga brown-out tungod sa kapalpak sa lokal nga kooperatiba sa kuryente nga hatagan sila og tarong nga serbisyo. Plano nilang maghimo og mga martsa kada gabii sulod sa lima ka adlaw. Anaa sa 12-14 ka oras ang nasinati nilang brown-out kada adlaw.

Luwas nga balik eskwela, ipatuman na. Nagrali atubangan sa Kongreso niadtong Hulyo 18 ang mga myembro sa Kabataan Partylist ug ACT Teachers Partylist aron iduso ang angayan nga mga lakang alang sa luwas nga pagbalik sa face-to-face nga klase sa Nobyembre. Ayha niini, nanawagan ang mga magtutudlo nga dili na langanon ang face-to-face nga klase.

Protestang “Atin ang Pinas!” sa Laguna ug Manila Bay. Nagpahigayon og fluvial protest ang mga mangingisda sa Pamalakaya sa Laguna ug Manila Bay niadtong Hulyo 12 isip pagdumdum sa ika-6 nga anibersaryo sa pagdaug sa Pilipinas batok sa pag-angkon sa China sa West Philippine Sea.