Pebrero 3-9, 2023-ginlusob sang halos 150-200 ka tropa sang 62nd IB ang komunidad sang mga mangunguma sa Barangay Quinten Remo, Moises Padilla, Negros Occidental. Ginpangsaka-saka ang mga kabalayan sa nasambit nga lugar partikular ang mga sityo sang Tibubong, Oway-oway, Tiyos, Binataan, Santos santos, Inarawis kag Kansimba sakop sang nasambit nga baryo. Ginsulahog man sang nasambit nga tropa ang mga sityo Tubod, Agogolo kag Napastuhan sang Barangay Macagahay. Subong ginlusob man sang militar ang sityo Bayabasan, Barangay Montilla tanan sang Moises Padilla.

Karun nga adlaw Pebrero 8-9, ginlusob man sang nasambit nga tropa ang mga sityo sang Banban Uno kag Dos nga nahamtang sa border sang Brgy Bucalan, Canlaon kag Brgy Guba, Vallehermoso, Negros Oriental. Nakugmat ang mga pumuluyo sang ginpalupok sang militar ang 2 ka grenade launcher sa nasambit nga lugar alas 7:00 kag 9:00 sang gab-i, Pebrero 8, 2023. Kadungan man sini ang 150 ka tropa sang militar nga naglusob sa Brgy Hibaiyo, Guihulngan, Negros Oriental.

Padayon nagaperwisyo sa kaumahan ang presensya sang pasistang tropa.

Ang mga eskwelahan kag simbahan ang ginahimo nga kampo sang militar. Padayon nagalapas ang 62nd IB sa CARHRIHL kag laye sa gyera taliwas sa ginawakal ni Col. Orlando Edralin sang 303rd Bde PA.