Maghalong ang pumuluyo sa Lima ka baryo kon sa diin nakapakat ang mga pasistang tropa militar sg AFP bangud sa posibleng mga kalapasan sa tawhanon nga kinamatarung kag halit nga dala sa ila operasyon.

Enero 27,2023 – tubtob subong may masobra 40 ka tropa militar nga nagaoperasyon sa sitio Kankiling, Kabagal kag Pulang-duta tanan sakop sa Brgy. Buenavista, Himamaylan City, NegOcc

Pebrero 4,2023- tubtub subong may masobra 50 ka tropa militar sa sitio Bunyuron boundary sa Brgy. Oringao kag Carol-an sakop sang Kabankalan City, NegOcc

Pebrero 9, 2023 – masobra 40 ka tropa sang AFP ang ara sa Brgy. Orong kag ara man isa ka kolum nga ginbulubanta indi magnubo sa 30 ka bilog ang naga-operasyon sa Sitio Marinay sa amo gihapon nga baryo. Kadungan sini ara man ang isa ka kolum (30+) sang Sitio Tangko, Brgy. Tan-awan, tanan sakop sa syudad sg Kabankalan.

Pebrero 9, 2023 – sang hapon, nasiplatan ang isa ka kolum sang tropa militar sa Sitio Mapait, Brgy. Tan-awan.

Pebrero 10,2023 – sang aga gindul-ong ang duha ka rio truck sakay ang masobra 40 ka tropa sang 94thIB sa Sitio Bunlas, Brgy. Nabhang sakop sg banwa sang Ayungon, Negros Oriental.

Pebrero 10,2023 – nagtenir sa mga kabalayan ang masobra 40 bilog nga tropa militar sa Sitio Ulo-Tuburan, Brgy. Buenavista, Himamaylan City.

Lima ka barangay ang ginlunsaran sang operasyon militar halin Pebrero 4 matapos ang natabo nga encounter sa Sitio Mugni, Brgy. Oringaw, Kabankalan City, pasado alas 5:00 sang hapon nga nagresulta sa pagbakwit sang masobra 800 ka pumuluyo tuga sang kahadlok sa ginhimo nga pagpanganyon sang AFP sa ila lugar.###