Sugod Pebrero 26-Marso 1, 2023 nakalatag ang halos 300 ka tropa sang berdugong 62nd IB sa nasambit na nga mga lugar. Halos oras-oras nagapalupad sang mga drones nga nagadisturbo sa mga mangunguma tuga sang kagahod kag kahadlok. Indi man makatulog ang mga residente bangud sang pagpangsaka-saka sang desperadong militar sa ila mga puluy-an. Padayon ang militar nga nagatiner sa ila mga puluy-an, simbahan kag Brgy Hall.

Pebrero 26 tubtob subong nga adlaw Marso 1, 2023- may 2 ka kolum sang militar nga nakita sa Crossing Karanawan, Brgy Amuntay, Binalbagan. Indi magnubo sa 50 ka tropa. May 22 man ka tropa sa Brgy Makilignit proper sakop sang Isabela, Negros Occidental. Samtang may 22 man ka tropa sang amo gihapon nga elemento sang militar sa sityo Tambo, Brgy Amuntay.

Sa La Libertad, subong man nga adlaw Marso 1,2023- may nasiplatan man nga 1 ka platun sang 62nd IB sa Crossing Lansang, Brgy Pitogo, La Libertad. May ara man nga kolum sa sityo Ampalali kag Crossing Aya tanan sakop sang Brgy Aya, La Libertad. May nasiplatan man nga kolum sang militar sa sityo Camunggo, Talaon, La Libertad.

Samtang may nakita man nga tropa militar sa sityo Nabirasan, Guihubon, Malagikhik tanan sang Brgy Amuntay, Binalbagan, Negros Occidental.