Unyon sa Laguna, midaug sa eleksyon. Midaug ang militante ug makinasudnong unyon nga Panadero ng Philfoods Fresh Baked Product Inc-OLALIA-KMU sa eleksyon niadtong Setyembre 22 aron representahan ang mga mamumuo sa pabrika. Nakakuha og 295 nga boto ang unyon sa kinatibuk-ang 341 ka boto batok sa mini nga unyong gitukod sa NTF-Elcac kakunsabo ang kumpanya. Isip pagsaulog, nagtapok-tapok ang mga unyonista atubangan sa pabrika sa Barangay Mamplasan, Biñan. Midaug ang unyon taliwala sa pagpamig-ot ug pagpangred-tag sa pulis ug NTF-Elcac sa mga upisyal ug myembro niini. Ang Philfoods Fresh Baked Product Inc, kaabin nga pabrika sa Gardenia Bakeries, usa ka kumpanyang Malaysian.

Hiniusang protesta sa Fuji Electric sa Laguna. Serye sa mga hiniusang protesta sulod ug gawas sa pabrika ang gilunsad sa unyong Fuji Electric Phils. OLALIA-KMU niadtong Setyembre aron makmakon ang kumpanya sa padayon nga pagpangbarat niini sa ilang suhulan sa nahitabong negosasyon para sa CBA. Hangtud ₱20-₱25 lamang ang tanyag sa maneydsment luyo sa dili niini pagdugang sa suhulan samtang minilyon ang nahakop niining tubo sa milabayng tulo ka tuig.

Unyon sa Subic, nagprotesta para sa CBA. Naglunsad og hiniusang protesta ang mga mamumuo gikan Samahan ng mga Manggagawang Nagkakaisa sa Umicore Specialty Chemicals Subic niadtong Setyembre 16 aron kundenahon ang pipila na ka bulang wala pag-andar sa negosasyon alang sa bag-ong CBA. Ang Umicore usa ka kumpanyang Amerikano nga gibanabanang mokita og €1,020 milyon (₱60.8 bilyon) karong 2023.