Archive of Articles

Madayon na ang imbestigasyon sang International Criminal Court (ICC) sa mga krimen batuk sa sangkatawhan ni Rodrigo Duterte. Ginpubliko ang desisyon sang mga huwes sang korte sang Septyembre 15. Sakup sang imbestigasyon ang mga ekstrahudisyal nga pagpamatay ni Duterte halin 2011 tubtob 2019. Suno sa pahayag sang mga huwes sang ICC, indi nila makita bilang […]

Reklamasyon sa Cebu, ginpamatukan. Nagpiket ang mga mamumugon sang piyer sa Consolacion, Cebu para pamatukan ang plano nga reklamasyon sa Barangay Tayud, Consolacion para tukuron ang proyekto nga Seafront City nga magasakop sang 234.8 ektarya. Pagasirhan sang proyekto nga ekoturismo ang masobra lima ka baradero (shipyard) kag magawasak sa pangabuhian sang 200 mangingisda. Suno sa […]

Never again to martial law! Ini ang nagaisa nga singgit sang pumuluyo sa atubang sang pagpangtiko sa kasaysayan sang pamilya sang anay diktador nga si Ferdinand Marcos kag pagtinguha sini nga makabalik sa Malacañang. Katuwang sang pamilya Marcos ang kapareho nga ginakangil-aran nga pamilya Duterte sa walay huya nga pagkapyot sa poder. Labi nga nangin […]

Isa ka abugado nga nagapangapin sa tawhanon nga kinamatarung kag isa ka Pulang hangaway nga wala na sang ikasarang magbato ang ginpatay sang mga armadong ahente sang estado sang nagligad nga semana. Ginluthang kag napatay sang duha ka armadong lalaki si Atty. Juan Macabadbad, pangaduha nga tagapangulo sang Union of Peoples’ Lawyers in Mindanao kag […]

Disgustado ang mga hangaway sang Bangsamoro Islamic Armed Forces (BIAF), ang hangaway sang Moro Islamic Liberation Front (MILF), sa napaslawan nga mga pangako sang Bangsamoro Autonomous Region in Muslim Mindanao (BARMM). Madamo sa ila ang wala pa sang trabaho tubtob subong, sa pihak sang pagsurender nila sang mga armas, sandig sa pagdekomisyon (paghalin sa serbisyo […]

Ginpresentar sang bloke nga Makabayan ang Union Independence Act of 2021 sang Septyembre 19 sa Kongreso agud silutan ang sin-o man nga magpasilabot, magpugong, magpang-ipit o magpamilit sa sin-o man nga mamumugon o unyon. Reaksyon ini sa sunud-sunod nga red-tagging sa mga unyon sa sulod sang mga export processing zone kag pagpamilit sa mga mamumugon […]

Ang mais ang ikaduha sa pinakaimportante nga basehan nga produksyon pang-agrikultura nga ginaprodyus kag ginakonsumo sa pungsod masunod sa bugas. Indi lang ini ginakonsumo sang tawo, importante nga sangkap ini sa pagsagod sang hayop bilang pagkaon kag sa pagmanupaktura sang iban nga pagkaon. Sa pihak sini, sistematiko nga ginapabay-an sang reaksyunaryong estado ang produksyon sang […]

Isa ang 32-anyos nga si Roger sa siyam nga mag-ulutod nga may maisan sa isla sang Negros. Pito sa ila ang nagapuyo sa isa ka balay kag magkatuwang sa pagpanguma. May ginapanag-iyahan sila nga 12 ektarya nga duta kag sangkap-at sini nakatalana para sa mais nga pangkonsumo sang ila pamilya. Mas daku nga bahin sang […]

Ginsaulog sang Communist Party of India (CPI)-Maoist ang ika-17 anibersaryo sini subong nga Septyembre 21. Ginadumdom ang anibersaryo sa isa ka semana nga selebrasyon nga ginapasakupan sang rebolusyonaryo nga pumuluyo sang India, mga hangaway sang People’s Liberation Guerilla Army kag sang masang mangunguma kag mamumugon. Ginasaluduhan sang Partido Komunista sang Pilipinas (PKP) ang mga kaupod […]