Ginsaulog sang Communist Party of India (CPI)-Maoist ang ika-17 anibersaryo sini subong nga Septyembre 21. Ginadumdom ang anibersaryo sa isa ka semana nga selebrasyon nga ginapasakupan sang rebolusyonaryo nga pumuluyo sang India, mga hangaway sang People’s Liberation Guerilla Army kag sang masang mangunguma kag mamumugon.

Ginasaluduhan sang Partido Komunista sang Pilipinas (PKP) ang mga kaupod nga Indian sa pag-atubang sa mga hangkat kag sablag para isulong ang inaway banwa sa India. Pareho sa Pilipinas, nagaagi ang pumuluyo didto sang pagpamigos kag pagpanghimulos sa idalom sang malakolonyal kag malapyudal nga sistema pangkatilingban. Dalayawon ang pagpamuno kag pagsuporta sang CPI-Maoist sa mga paghimakas masa sang pumuluyong Indian, labi na sa masang mangunguma sa ila pagbato sa neoliberal nga mga polisiya sa pagpanguma sa tunga sang pagpanghalit sang pandemya.

Nagaisa ang Partido sa panawagan sang CPI-Maoist nga palig-unon kag palaparon pa ang mga higante nga pagtilipon sang mga mangunguma kag paslawon ang pagpabilin sang nagaharing hubon Hindutwa sa porma sang partido nga BJP sa nagahilapit nga eleksyong Indian.