Na-reyd sa 30th Infantry Battalion ilalom sa 901st Brigade ang Bagong Hukbong Bayan-Surigao del Norte (BHB-SDN) sa may bukirong bahin sa Brgy. Alipao, Alegria,Surigao del Norte niadtong Pebrero 8, 2022 sa may 5:57 sa kaadlawon. Mukabat kini sa halos usa ka oras nga pagsinukliay sa bala tali sa BHB ug sundalo nga miresulta sa pagkamatay ni Kaubang Wolf ug nabinlan kini og 3 ka high power fire arms (1 ka M16, 1 ka BB M16, 1 ka Akchikuz), 1 ka command detonated explosive device, 1 ka rolyo sa wire, mga bala, ug uban pang personal nga gamit sa BHB-SDN. Usa ang patay ug upat ang samaron sa tropa sa 30th IB.

Alang sa kasayuran sa tanan, ang BHB-SDN naglunsad og gimbuhatong masa sa maong lugar nga naningkamot aron sa pagtabang sa mga biktima sa bagyong Odette nga hangtod karon walay tabang o ayuda nga nadawat gikan sa gobyerno. Sukwahi kini sa pamahayag ni Calantas nga nangilkil sa mga mag-uuma ang BHB-SDN. Ang kapanginahanglanon sa pagkaon, tubig ug pabalay; dili militarisasyon ang singgit sa katawhang Surigaonon apan ang AFP/PNP walay hunong sa ilang pagangatake bisan sa mga lagyo nga mga lugar. Sukad pa sa bulan sa Oktubre 2021 hangtud karon, walay undang ang ilang gihimong operasyong militar sa Agusan-Surigao erya; subay kini sa mando ni Duterte nga tapuson ang armadong pagsukol sa katawhan sa iyang termino nga naka-pattern sa US Counter Insurgency nga programa.

Nagpasamot lang kini sa sosyal nga ekonomikong kahimtang sa katawhan nga nipaulbo sa armadong pagsukol.Gihurot niini ang limitadong pondo sa publiko nga angayan untang igahin sa pangpublikong panglawas, edukasyon ug ayuda. Gibutyag lang niini ang ka dunot sa semi-kolonyal ug semi-pyudal nga sistema ug ipataas ang tinguha sa katawhan alang sa nasudnong katilingbanong kalingkawasan.

Mabuhi ang BHB-SDN!

Mabuhi ang katawhang nakigbisog batok sa teroristang estado!