Lampos nga nasilotan sa BHB-Agusan del Norte ang berdugong 29 th IB PA panahon sa ilang operasyon militar sa kabukiran sa Jabonga, Agusan del Norte.

Niadtong Nov. 21 2020 napatay sa usa ka grupo sa BHB- Agusan del norte ang usa ka Master Ssgt. Alberto ug laing usa ka PFC nga samdon og wala maka-abot sa hospital nga buhi. Nasugatan ug gimapusil sa mga Pulang Manggugubat ang nagsubida nga mga tropa sa berdugong 29 th IB PA panahon sa ilang operasyon militar sa kabukiran sa Bangonay Jabonga, Agusan del Norte. Nagsugod kining operasyon sa 29 th IB PA ubos sa 901st brigade ug mga membro sa PNP niadtong Nov.12 ug matod nila hangtod pa sa December 2020 mahuman kini nga operasyon militar.

Mahinomdoman nga may nga sibilyan na nga gipangpatay ang 29 th IB PA, panahon sa ilang mga operasyon militar, bisan sa wala pa makaabot ang 901 st Brigade ubos ni talawan, berdugong Banson nga CO niini. Nagtakdo ang pamaagi ni talawan- berdugong Banson ug Cristi CO sa 29 th IB PA, sa ilang tinalawan nga pagpatay sa mga sibilyan nga walay ikasukol. Butangan na dayon og mga armas ang mga gipangpatay sibilyan, aron himoong rason sapasangil ngami sukol ug nga kini mga membro sa BHB. Nagpadayon kini nga mga hitabo sa pag-abot na sa berdugong 901 st BDE ubos sa talawang Banson. Kining ilang tinalawan nga pagpangpatay, gihimo nilang balos sa mga napatay nilang mga sundalo ug polis panahon sa mga banatan batok sa BHB diin mapatyan sila. Nabindisyonan karon ni berdugong Duterte kining ilang mga kriminal nga mga binuhatang pagpangpatay, samot na nga duna nay Anti Terrorism Law ug NTF ELCAC.

Daw, susama na sila sa panahon ni Hilter nga pasistang presidente sa nasud sa Germay, sakatuigan sa1940’s nga halos gipuo ni Hitler ang kaliwatan sa mga Hudeo. A ng mga sundalo ni Hitler daw walay tulu bagon nga n agpusil/patay sa kinsa ang ilang patyon. Apan sa dihang napilde sa Russia ang Germany panahon ikaduhang gubat sa kalibotan, nagpakamatay si Hilter ug nasilotan sa kamatayon ang mga opisyal sa armadong kusog ni Hilter. Nia ang listahan sa mga napatay nga mga sundalo panahon sa banatan batok sa BHB ug ang tinalawan nga pagpatay sa AFP/PNP sa mga sibilyan nga walay ikasukol.

• November 21: Nasilotan patay nga duha ka sundalo sa 29 th IB usa ka Master Ssgt. Alberto ug usa ka PFC, panahon sa usa ka engkwentro kabukiran sa Jabonga, Agusan del Norte.
• November 25: Gipusil patay si Ignacio Arevalo, ang purok tsirman ug lider sa NAGAMI(asosasyon sa gagmayng minero) sa Surigao city sulod sa iyang balay. Mga pwersa sa PPSC, 29 th IBPA, City PNP ug 901 st brigade ang nagreyd sa panimalay nila Arevalo.
• November 26: Gipatay na usab Josefino ‘Lalo’ Calang sa mga berdugong tigpamatay sa Sison PNP Surigao del Norte. Misukol daw kini gamit ang iyang kalibre .38, gisaka ang iyang sa alas dose sa gabii aron dakpon dala ang warrant of arrest, kay kuno membro siya sa MB(Milisya nga Bayan) sa BHB. Usa gamay nga negosyante si Lalo Calang ug may anak nga membro sa BHB sa Surigao del norte. Dili membro sa giingong MB si Lalo, sa tinuod walay pay MB nga natukod sa sentro sa mga lungsod.
• Agosto 18: Gisilotan sa BH B ang usa ka PNP intellegence sa lungsod sa Sison, sa panganti sa Mayor ug PNP Sison nga mobalos, duha ka sibilyan ang gipusil patay. Sept. 8 2020 gipatay pusil si Jojie Udtohan Gayoso usa ka driver sa motor ug pagka-Sept 11 gipatay si Tatay Budoy- Rolando Patenio Leyson Sr., tigulang nga amahan sa usa ka kadre sa BHB.
• October 31: dunay banatan sa BHB batok sa 36 th IB PA ug PNP didto sa brgy. Pangi Tandag SDS- walay patay sa BHB apan may mga armas nga nabilin. Gipasiatab na sab sa 36th IB PA nga dunay 3 ka membro sa BHB ang ilang napatay. Gipasangil na sab nga BHB ang 3 ka sibilyan nga igo ra nanghag-ot sa abaka nga layo ra sa erya diin nahitabo ang banatan. Ang mga gipatay sa 36 th IB PA nga mga sibilyan mao sila; Maco C. Maitom 50 anyos ang edad, Fredie M. Zamora 42 anyos ang edad ug Paulino P. Maitom Jr., 23 anyos ang edad.

Dunay lain pang duha ka mag-uuma ang gipusil patay sa mga sundalo ug laing usa nga gipusil samtang nagmotor kini apan wala maigo, apan gisubay ang mga detalye sa tulo ka panghitabo. Duna pay taas nga listahan sa gipangpatay sa AFP PNP nga mga sibilyan, nga giingon nila nga membro sa BHB.

Angayan lang gyud manubag ug silotan ang mga opisyal sa 901 st brigade, 29 th IB PA, 36 th IB PA ug 30 th IB PA, PNP CARAGA ug mga elemento niini nga direktang naghimo sa maong tinalawan nga pagpangpatay sa mga inosenteng sibilyan. Samot na nga angay manubag ug silotan si Duterte ug ang mga opisyal niini.

Sa pikas bahin, kining mga tinalawan nga pagpangpatay sa mga inosenteng sibilyan, mga ginakanan og paryente sa mga Pulang manggugubat, gitouhang sa berdugong AFP/PNP nga makapahuyang sa baruganan sa mga rebolusyonaryo. Nasayop sila! samot kini nga makahaling sa kayugot batok kanila ug labawng pang ipursigi sa mga rebolusyaryo ang diwa sa pag-alagad sa katawhan. Himoon niini ang tanan pamingkamot nga makakab-ot og ginagmayng mga kadaugan, aron kini matibuok og magdala sa armadong rebolusyonaryong pakigbisog ngadto sa hingpit nga kadaugan sa Demokratikong Rebulosyon sa Katawhan.

Ipursigi ang kaylap nga mga banatan batok sa AFP PNP ug ubang armadong pwersa niini.

Tampo sa armadong pakigsibog sa katawhan, Sampa sa Bagong Hukbong Bayan