SURIGAO DEL SUR – Sa KM 8, Puyat, Carmen kaniadtong Disyembre 4 sa may alas 3:30 sa hapon, giisnayp-haras sa usa ka tim sa NPA-SDS ang Cafgu detatsment nga anaa sa maong sityo. Subay sa taho napatay sa maong panghitabo si CAA Joash Sandag ug samaron usab si CAA Mabandos.

Pinugos nga pagpangrekrut pagka-Cafgu ug pinugos nga pagpasurender sa mga sibilyan nga kuno mga myembro sa NPA ang kasong giatubang sa kadreman ug mga Cafgu sa maong detatsment.

Mahinumduman usab nga kaniadtong 2019, gipasumangil sa 36th IBPA ngadto sa NPA ang pagpusil-patay sa usa ka myembro sa Cafgu sa ilang kadreman niini nga detatsment tungod sa selos sa usa ka babae.

Taliwala sa mga dinagko ug subsob nga mga operisyong militar nga ginalunsad sa mga tropa sa AFP ug PNP sa mga interyor nga kabukiran sa Surigao del Sur, wala nahikawi og inisyatiba ang NPA-SDS nga tirahon ang mga kampo detatsment niini nga anaa duol sa mga nasyunal hayway.

Niining moabutay nga ika-52 nga anibersaryo sa Partido Komunista ng Pilipinas kinahanglan nga mas ipasubsob ug ipaigting pa sa NPA ang mga taktikal nga opensiba aron maisugong suklan ang kabangis sa de facto (walay deklarasyong) martial law sa pasistang Duterte ug AFP.

Mabuhi ang ika-52 nga anibersaryo sa PKP!
Ipasubsob ang mga taktikal nga opensiba!
Sampa sa NPA!