Ngayong Hulyo 4, ipinagdidiwang ng papet na gubyerno ang Philippine-American Friendship Day. Taon-taong ginugunita ang okasyon ng paggawad ng US sa Pilipinas ng huwad na kalayaan at pagtatatag sa papet na republika noong Hulyo 4, 1946 bilang Araw ng Pagkakaibigan. 79 na taon mula nang itatag ng US ang Gubyerno ng Republika ng Pilipinas (GRP), ang rehimen ni Ferdinand Marcos Jr ang mukha ngayon ng sukdulang pagpapakatuta ng mga lokal na naghaharing uri sa US.

Ayon sa dikta ng amo niyang imperyalistang US, buong kahangalang ipinipilit ni Marcos Jr na “kaibigan” ng mga Pilipino ang US na makakatuwang sa pagtatanggol sa soberanya ng bansa at pagsugpo sa terorismo. Binabaluktot ng rehimeng Marcos ang katotohanang ang imperyalistang US ay isang uhaw-sa-gerang halimaw na naglulunsad ng mga gerang agresyon sa buong mundo. Nagpapagamit si Marcos Jr sa adyenda ng US na mandigma para ipilit na panatilihin ang katayuan nito bilang pinakamalakas at naghaharing bansa sa buong daigdig.

Sa huling mga taon, dalawang rehiyunal na digma na ang inilunsad ng US. Noong 2022, nagtagumpay itong udyukin ang Rusya na magsagawa ng aksyong militar bilang reaksyon sa ilang taong pag-militarisa ng US sa hangganan ng Rusya at Ukraine sa pamamagitan ng papet na rehimen ng US sa Ukraine. Naging hudyat ang aksyong militar ng US ng lantarang armadong sigalot sa silangang Europa na nagpapatuloy hanggang ngayon. Sa Gitnang Silangan naman, nangunguna ang Zionistang estado ng Israel sa pagpapatupad ng digmang agresyon ng US sa rehiyon—laluna sa higit 75-taong henosidyo laban sa mamamayang Palestino. Nitong nakaraang buwan lang, sinimulan na rin ng Israel ang kanyang gerang agresyon sa Iran na nilahukan na ng US mismo. Kasunod ito ng pag-atake ng Israel noong mga nakalipas na buwan sa Lebanon at Syria, mga bansang nakapalibot sa Palestine at nakikiisa sa pakikibaka ng mga Palestino laban sa mananakop na Israel at US.

Sa Asya Pasipiko, niluluto ng US ang mga gera laban sa karibal nitong Tsina. Sa harap ng paghina at pagdausdos ng kapangyarihan ng US bilang isang superpower, hinding hindi ito papayag na ibayong lumawak ang impluwensya ng Tsina at maungusan nito ang US bilang nangungunang imperyalistang kapangyarihan sa mundo. Abalang abala ngayon ang US sa panghihimasok sa panloob na usapin ng Korea at Tsina. Ginagatungan nito ang mga tensyon sa pagitan ng North at South Korea at ng Tsina at Taiwan—mga usapin na dapat ay mga mamamayang Koreano at Tsino ang lumulutas nang walang pangingialam ng isang mananakop.

Sa Pilipinas naman, sinasakyan ng US ang isyu ng aggresyon ng Tsina sa West Philippine Sea (WPS). Hinahamon ng US ang China, gamit si Marcos Jr at ang AFP, sa pamamagitan ng mga walang tigil na joint military exercises at magkatuwang na pagpapatrolya sa himpapawid at karagatan ng Pilipinas at ng WPS. Paparami rin ang itinatayong base militar ng US at ipinapakat nitong tropa sa Pilipinas. Pinahihigpit lalo ang kontrol ng US sa AFP gamit ang mga pagsasanay militar at pagbibigay rito ng pondo at armas. May kapal ng mukha pa si Marcos Jr na ipagmayabang ang mga ito kahit na lantarang nilalabag ng mga ito ang soberanya ng Pilipinas.

Ang pagkatali ng AFP sa pang-uupat ng gera ng US laban sa Tsina ang magpapaliwanag sa pagkukumahog ng rehimeng Marcos at AFP-PNP na durugin ang rebolusyonaryong kilusan. Sa pagnanais ng US na maipihit ang buong reaksyunaryong armadong pwersa ng Pilipinas—ang AFP-PNP at mga reserbang pwersa—sa pakikipaggirian nito laban sa Tsina, iniutos ng US ang pagpapatindi sa kontra-insurhensyang kampanya laban sa Partido Komunista ng Pilipinas (PKP), sa Bagong Hukbong Bayan (BHB) at sa mamamayang Pilipino. Masasalamin ito sa sumasahol na militarisasyon sa kanayunan, maging sa kalunsuran.

Dito lamang sa Mindoro, hindi bababa sa sampu’t kalahating batalyon ng AFP-PNP-CAFGU ang nakapakat. Sa pamumuno ng 203rd Infantry Brigade at PNP MIMAROPA, pinatindi, pinalawak, at pinasinsin ang walang puknat na mga focused military operation (FMO) at ang mapanlinlang na Retooled Community Support Program (RCSP) na naghahasik ng dahas at teror sa mga Mindoreño. Nagreresulta ito sa samu’t saring paglabag ng mga sundalo’t pulis sa karapatang tao ng mga Mindoreño. Gaya ng militar ng US at iba pang pwersang militar na kontrolado ng US, ang 203rd Brigade at PNP MIMAROPA ay mga halimaw na naglulunsad ng walang pakundangang pambobomba at istraping, pagkakampo sa mga komunidad, pananakot at kahit pagpatay sa mga sibilyang walang kalaban-laban, tulad ng pagpatay nila sa mga katutubong Mangyan na sina Jay-el Maligday at Hulyo Aytag.

Nangangarap nang gising ang rehimeng Marcos na kaya nitong durugin rebolusyunaryong pakikibaka ng mamamayan. Kahungkagan ang pagdedeklara ng AFP na nagtatagumpay ito sa maitim na layuning gupuin ang rebolusyon at na “insurgency-free” na ang maraming bayan at probinsya. Sa mga larangan at sonang gerilya sa buong bansa, nagpupunyagi ang BHB, sa pamumuno ng Partido, na isulong ang demokratikong rebolusyong bayan. Mula sa kanayunan hanggang kalunsuran, walang kapagurang nagmumulat, nag-oorganisa at nagpapakilos sa hanay ng masang api ang mga pwersa ng rebolusyon. Mulat sa kahirapan at sakripisyo, ginagampanan ng Partido, Pulang Hukbo at iba pang rebolusyonaryong pwersa ang mga gawain sa gitna ng umiigting na sitwasyon ng digma sa loob ng Pilipinas at sa buong mundo.

Habang umiigting ang pagsasamantala at pang-aapi ng imperyalismong US sa mamamayan ng buong mundo, nalalantad sa sambayanang Pilipino na ang imperyalistang US, ang malakolonyal na gubyernong pinamumunuan ni Marcos Jr, at ang atrasadong katayuan ng bansa na nagmumula sa daantaong pyudalismo ang ugat ng kahirapan ng sambayanan. Walang ibang lulutas dito at magpapalaya sa atin kundi ang paghawak ng mamamayan ng armas at pagsulong ng rebolusyonaryong armadong pakikibaka laban sa lahat ng pwersang mapang-api.

Mamamayang Mindoreño, magkaisa at lumaban para sa tunay na kalayaan!

Kundenahin ang pagpapakatuta ni Marcos Jr at AFP-PNP sa amo niliang US!

Isulong ang digmang bayan laban sa imperyalistang digma! Ipagtagumpay ang demokratikong rebolusyong bayan!

Sumapi sa Bagong Hukbong Bayan!