Pagpatin-aw sa pagkamatay kang PNP Intelligence Officer Dandan sa Surigao del Norte

,

Read in: Pilipino

Napatay si PSSgt. Restie Dandan niadtong Agosto 18, 2020 pinaagi sa tulo ka bala sa .9mm, isip tugbang sa iyang pagka-aktibong tigpaniktik sa PNP batok sa mga rebolusyonaryong pwersa sa iyang lungsod nga nakahatag og dakong kadaut sa katawhan. Nalambigit usab kini sa pagpanghadlok/saywar sa mga mag-uuma busa pugos nga nakabiya sa ilang yutang gitikad. Protektor kini sa illegal nga negosyo sa druga, sa illegal nga kahoykahoy ug pasugal. Nalambigit usab siya sa pangwarta sa mga sakyanan nga “para-pangwarta”, parahon ang sakyanan aron pabayron sa mga kalapasan.

Sa kasong aktibong tigpaniktik batok sa rebolusyonaryong kalihokan, may ubay-ubay nga mga mag-uuma nga gipasakahan sa tumo-tumong kaso nga napriso ug may mga nakalayas sa ilang pinuy-anan, may mga napugos sa pagsurender. May mga mag-uuma nga gikasohang tigsuporta sa BHB nga gipanghulga/gisaywar ug napugos kini sa pagbiya sa ilang lugar nga nabiyaan ang ilang yutang gitikad. Pinugos dalang hulga sa mga gitarget nga irekrut aron nga motuman sa iyang itahas sa pagpaniid batok sa mga membro sa BHB. Apil na ang mga pamilya sa mga membro sa BHB gipanghulga/gipanghasi tungod kay rebolusyonaryo ug nagserbisyo sa katawhan ang ilang mga anak.

Ang pagpadakop ni Dandan sa usa ka tigbulkit sa motor didto sa Sitio Payawag, Brgy. San Isidro, Sison sa pasumangil nga drug dealer/user nga gitamnan sa mga ebidensya, nakaguba sa panginabuhi sa pamilya sa gipadakop/napriso ug kini ang nakapataas sa ranggo ni Dandan. Apan ang ubang pipila ka lokal nga pulitiko sa iyang lungsod nga nalambigit sa negosyo sa druga walay lakang nga gihimo si Dandan batok kanila.

Aktibo kini nga naghatag og impormasyon isip tigpaniktik aron madakop sa mga pulis ang mga nagkahoykahoy apan ang iyang giprotektahan nga illegal logger nga dunay bansohan padayon sa ilang negosyo nga walay balda. Sama ra usab sa illegal nga sabong ug ubang pasugalan dakpon ang iyang mga kontra apan libre ang iyang giprotektahan.

Ang pagdakop ug pagsilot kang Dandan usa ka lehitimong lakang sa mga rebolusynaryo batok sa tigpaniktik sa reaksyonaryong goberno sa rehimeng US-Duterte nga nagtunhay karon. Walay plano sa mga pwersa sa BHB-Surigao del Norte nga dakpon kini aron ideklara nga POW (prisoner of war). Ang pwersang tigpaniktik (intelligence) sa PNP/AFP dili langkob sa mamahimong POW, ilabina kung madakpan sila panahon sa ilang pagpaniktik. Ang mga pwersang pangkombat sa PNP/AFP ang mamahimong POW kung madakop sila panahon sa mga banatan ug sa ilang pagserbisyo.

Sa nahitabo kang Dandan matngon nga giplano ang pagdakop ug pagsilot kaniya tungod sa iyang aktibong pagpaniktik nga naghatag og dakung kadaut na sa rebolusyonaryong pwersa ug sa katawhan.

Ang nahitabo kang Dandan nagsilbeng pahinomdom sa mga pwersa sa tigpaniktik/ tigpaniid sa PNP/AFP ug ngadto sa ilang mga kaparyentehang sibilyan kabahin sa kalainan sa pwersang pangkombat ug paniktik nga gipasabot na sa ibabaw.

Kabahin usab sa mga intriga nga gipasakitan ug brutal nga pagpatay: Sa mga nag-intriga/ nagpakaylap nga gipasakitan si Dandan, maayong iyang/ilang interbyuhon ang mga nahimong POW sa BHB aron mapamatud-an niya/nila ang ilang akusasyong pagpangdaut sa BHB. Kabahin sa pamaagi sa pagsilot/patay, wala pay mga kritiko ug wala mouyon sa kawsang rebolusyanaryo nga nagbandilyo nga maayo/plastado ang pamaagi sa pagpatay/ silot sa BHB. Natural nalang nga pagpangdaut ug itom nga propaganda ang ilang ipakaylap, apan kinahanglan nga responsable sila sa ilang mga pagpangdaut. Ang gigamit nilang mga pulong pagpanghulga, pagpangdaut ug pagpanamastamas sa mga rebolusyonaryo maghulagway mismo sa ilang pagkatawo.

Pagpatin-aw sa pagkamatay kang PNP Intelligence Officer Dandan sa Surigao del Norte