Na-raid ang temporaryong kampo sa usa ka team sa yunit sa BHB-Agusan del norte. Alas 5:10 sa buntag sa Sitio Kabagjangan, Barangay Jaliobong, Kitcharao, Agusan del norte.

Mabayanihong nihalad sa iyang kinabuhi si kasamang Alfred Sajol tampo sa nagasulong nga kinatibuk-ang Nasudnon-Demokratikong Rebolusyon nga may Sosyalistang Perspektiba!

Maisugong giatubang ni kasamang Alfred ang pinakataas nga sakripisyo—mao ang paghalad sa iyang tibuok kinabuhi sa nag-unang porma sa pakigbisog—ang armadong pakigbisog alang sa ultimong tumong nga gipangandoy—ang nasudnong kalingkawasan ug pagkab-ot sa tinuod nga demokrasya sa nasud.

Si kasamang Alfŕed Sajol, 26 anyos, taga P6-Barangay 10 Buenavista, ADN.

Natawo siya sa usa ka pamilyang mag-uuma ug nahimong katimbang siya ni tatay Fredo Sajol isip vegetable vendor.

Nahuman niya ang pagtungha sa high school.

Isip anak sa ubos nga saring sa hatungang mag-uuma gibati ni kasamang Alfred Sajol ang kalisud bunga sa gitagamtam nga pagpahimulos sa dagway sa kaubos sa presyo sa ilang mga produktong bukid, kaubos sa suholan sa pamuo sa umahan samtang mahal kaayo ang mga batakang mga palaliton.

Wala na niini nakaya ang pagpadayon pa sa pag-eskwela tungod kay dili na kaya niini nga gastusan ang mahal nga balayranan sa tulunghaan.

Isip usa ka batan-ong mag-uuma, walay duhaduha si kasamang Alfred Sajol nga misalmot sa Armadong Rebolusyon. Duha ka bulan ug may 22 ka adlaw palang si kasamang Alfred sa kalihukan sa New Peoples’ Army!

Ang Diwa nga imong gipakamatyan Husto ug Angayan kang Hatagan sa Pinakataas nga Pagsaludo ka Alfred!

Ang dugo nga imong gipaagas dugang mopabangon sa libuang Pilipinong gipahimuslan ug gidaugdaog nga mopadayon sa rebolusyon nga imong gipakamatyan!

Mabuhi ang diwang rebolusyonaryo ug Makinasudnon kanimo ka alfred!

Usa ka sa mga mabayanihon ug martyr sa Rebolusyon!