Silotan si Killer commander Jorge Banzon- ang ambisyosong kriminal sa 901st brigade sa pagpatay sa 2 ka sibilyan sa Surigao del Norte!

,

Usa ka aksyon drama ang gipasiatab sa killer commander Jorge Banzon- ang ambisyoso ug talawang kriminal sa 901st brigade sa ilang pagpatay kang Ignacio Moraca Arevalo o mas iladong TOKOY- 59 anyos usa ka Purok Tsirman sa Purok 13-Sitio Pinaypayan, Brgy. Mat-I, Surigao City ug Josefino Lalo Calang sa poblacion sa Sison SDN. Nob 26 2020.

Niadtong Nobembre 25, 2020- sa may alas 12:00 sa gabie, kalit nga gisaka sa wala maihap nga tropa sa PPSC, 29th IBPA, City PNP ug 901st brigade ang panimalay nila Arevalo. Gipagawas siya sa kwarto ug giposasan sa army ug PNP samtang ang iyang asawa, anak ug mga apo gitabunan og banig sa kilid. Nadunggan nalang nila ang pugos nga pagpa-angkong terorista sa biktima, pagtorture ug pagpusil-pusil niini. Gibutang sa kwarto ang hinimo-himong ebidensya sama sa electrical wire, black switch, usa ka C4, usa ka Granada, .45 pistola, magazine ug mga basiyo sa bala.

Alas 3:00 sa buntag nakaplagan nang patay si Arevalo sa iyang mga anak nga naa sa kusina, nabali na ang mga kamot gikan sa binaklid nga pagkaposas nga gihiktan na og pisi sa atubangan. Ulahi na nga niabot ang taga-SOCO ug ang ilang uban nga media sa DXRS nga si Jerson ug si kagawad Guloy Colon. Matud pa ni Jerson nga naulahi na sila og abot sa nahitabuan tungod kay nalubong daw ang ilang gisakyan.

Apan kabahin nalang kini sa ilang drama, gani walay kamatuoran ang giingong gi-atangan sila sa dalan sa mga NPA ug gipabuthan sila sa may sapa sa Sitio Pinaypayan kay sa tinuod walay pulang manggugubat ang anaa sa erya sa maong panahon.

Buot ipasabot, ang buto-buto ug ang pagpatay planado inubanan sa drama sa AFP ug PNP. Ug dakong bakak ang gipagarpar nila nga misukol pa kuno si Arevalo nga klaro sa binaklid nga pagkaposas-wala na kini katakus sa pagsukol.

Samtang walay kukaluoy sab nga gipatay sa Sison PNP ug Army niadtong Nobembre 26, 2020 sa kapin kun kulang alas 12 sa gabie sa Poblacion, Sison si “Lalo” Calang. Si Calang usa lamang ka yanong multicab drayber ug amahan sa usa ka pulang manggubat sa Surigao del Norte. Dakong bakak na usab ang gipakaylap ug balik-balik nga iskript sa aksyon drama nila kuno nisukol kini gamit ang 3.8 revolver.

Ang pagpatay ni Killer Banzon sa usa ka purok tsirman ug sa susamang higayon usa ka tsirman sa organisasyong gitukod alang sa Nagkahiusang Gagmayng Minero (NAGAMI) ug kang Calang nga klarong sibilyan. Tinalawan ug desperadong iskema sa AFP ug PNP diha sa pagtarget sa mga sibilyan ug progresibong organisasyon sama sa: pinugos ug pekeng pagpasurender, pagpasang-at og mga tinumo-tumong kaso, mga gidramang banatan ug ang pagpatay kabahin sa kabangis sa USDu30, AFP/PNP, NTF-ELCAC (National Task Force-to End Local Communist) ug sa Anti-terrorism nga balaod.

Kung mahinumduman nga ang Nagkahiusang Gagmayng Minero (NAGAMI) gustong gub-on aron mapugos nga magpamiyembro ang mga gagmayng minero sa Minahan ng Bayan – kooperatiba kini nga himuong trabahante nalang sa probinsya ang mga gagmayng minero ug puggnang mokita kini sila og dako.

Ang linuog nga pagpatay kang Arevalo, Calang ug sa 6 pang biktima sa Surigao del Norte ug Surigao del Sur desperado ug teroristang lakang sa killer 901st brigade, killer batalyon 29th, 30th, 36th IBPA ug PNP aron pakgangon ug yatakan ang demokratikong katungod sa katawhan nga musukol ug makigbisog batok sa pasismo ug kabangis sa rehimeng Duterte. Napamatud-an na usab nga ang kasundaluhan sa AFP/PNP, itoy nga nag-alagad sa interes sa nagharing hut-ong ug sa hakugang burukrata kapitalista.

Nahimo usab kining tungtunganan sa mga Regional Director ug Chief sa kapulisan sa rehiyon ug sa munisipalidad sa Sison para sa ilang pagpasikat ug ambisyong mapromote.

Busa, mapursigihong gi-awhag sa NPA- Surigao del norte ang hugot nga panaghiusa ug pagka maisugon sa tanang mag-uuma, mamumuo ug kabus sa dakbayan. Batukan ang dili makatarunganon ug dili makitawhanong sistema sa reaksyonaryong goberno. Dili lang mga ex-NPA ug pamilya sa mga NPA ang gi-terorisa niining rehimen ni Duterte kundili ang si bisan kinsa nalang nga gusto nilang hadlukon, hulgaon ug patyon.

Sa pikas bahin, giawhag namu sa mga husgado ug piskal nga matinud-anong mupapel sa ilang gipanumpaang propesyon isip kabahin sibilyang institusyon sa panggoberno

Sa mga tawong simbahan, abugado ug ang makitawhanong media padayon unta kamong mobarog alang sa kamatuoran ug kaangayan ug dili mamahimong instrumento sa reaksyonaryong goberno sa pagpanglupig, pangdaug-daog ug pagpangulipon sa katawhang Pilipino.
Makigbisog-di mahadlok!

Silotan ang killer Jorge Banzon-ambisyoso ug talawang kriminal sa 901st Brigade!

Silotan si Killer commander Jorge Banzon- ang ambisyosong kriminal sa 901st brigade sa pagpatay sa 2 ka sibilyan sa Surigao del Norte!