Paltik nga reporestasyon
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2021/08/ngp_denr_pagpapalayas_katutubo-1024x616.png )
Una nga ginpatuman sang 2011 sa idalom sang rehimeng Aquino ang NGP. Ginpalawig kag ginpasangkad paagi sa Executive Order 193 (E-NGP) sang 2015 sa pihak sang deklarasyon nga napaslawan ang programa. Ginpadayon ini sang mga upisyal ni Duterte bangud ang pondo sini (masobra ₱5 bilyon) ginahimo nga bulugasan sang mga pulitiko.
Ginpabugal sang 2019 sang DENR nga duha ka milyong ektarya na ang natamnan sang 1.7 bilyon binhi sa idalom sang E-NGP halin 2011 tubtob 2019. Pero wala sang ebidensya nga mapakita ang DENR nga matuod ini sang ginbusisi ang programa sa Senado. Mas malala, suno sa mga eksperto, wala sang kinalain kag nagapabilin nga ara sa pito ka milyong ektarya ang nabilin nga katalunan sa Pilipinas halin 2011 tubtob sa subong.
Indi matuod nga reporestasyon ang katuyuan sang E-NGP. Ang mga kahoy nga ginapatanom sini, pareho sang kawayan, kape, falcata indi duna sa mga lokal nga katalunan. Liw-as ini sa panugyan sang mga syentista nga magtanom sang mga kahoy nga endemic o tumandok sa katalunan para siguruhon ang ekolohikal nga balanse sang kapalibutan. Ginatanom ang komersyal nga mga kahoy nga ini indi para buhion ang katalunan kundi para anihon kag ibaligya sa mga dumuluong.