Gipasiugdahan sa mga kagawad ug tanod (batay bayan) sa barangay ang pagharang sa planong pagtukod sa mga kampo militar sa Barangay San Francisco-B, Lopez, Quezon niadtong Agosto 7. Dungan-dungan nga gipalayas sa mga residente ang mga tropa nga magatukod sa detatsment. Matud sa mga upisyal, nagpadangat gilayon og reklamo ang mga residente dinhi dihang mabalitaan nila ang plano sa militar.

Kini na ang ikalimang higayon nga gipalayas sa mga residente sa Quezon ang mga kampo sa militar sukad Mayo. Nauna na dinhi ang pagpalayas sa mga sundalo sa Sta. Elena ug Cawayan sa Lopez; ug Vista Hermosa ug P. Herrera sa Macalelon.