23 ka opensiba, gilunsad sa BHB sulod sa 2 ka bulan

,
Kini nga artikulo adunay hubad sa PilipinoEnglishHiligaynon

Gilunsad sa mga yunit sa Bagong Hukbong Bayan (BHB) ang serye sa mga armadong aksyon sa Bicol, Samar ug Northeastern Mindanao gikan Disyembre 2021 hangtud sa unang semana sa Pebrero.

Giambus niadtong Pebrero 1 sa BHB-Catanduanes (Nerissa San Juan Command) ang nag-operasyong yunit sa pulis sa Sityo Tucao, Barangay J.M. Alberto, San Miguel. Nakumpiska sa operasyon ang tulo ka pistola ug lain pang himang militar. Napatay sa operasyon ang tim lider sa mga pulis nga si Police Sr. MSgt. Johnny Tiston.

Tulo ang napatay ug lima ang nasamdan sa gilunsad nga ambus sa BHB-Masbate (Jose Rapsing Command) sa mga tropa sa AFP nga nag-operasyon sa Barangay Recodo, Cawayan niadtong Enero 28. Niadtong Enero 23, duha ka sundalo ang nasamdan sa ambus sa BHB-East Camarines Sur (Tomas Pilapil Command) batok sa usa ka yunit sa 83rd IB sa Barangay Pinamihagan, Lagonoy.

Walo pa ka opensiba ang gilunsad sa BHB niadtong Disyembre 2021 sa Pilar sa Sorsogon, Esperanza sa Masbate, ug Daraga, Camalig ug Legazpi City sa Albay.

Sa Agusan del Norte, usa ang nasamdan sa pagpang-isnayp sa BHB sa kampo sa 65th IB sa P-5, Barangay Tagbungabong, Remedios T. Romualdez niadtong Pebrero 1. Usa ka sundalo usab ang nasamdan sa ambus sa BHB sa usa ka yunit sa 29th IB niadtong Enero 25 sa Sityo Maranahao, Barangay Puting Bato, Cabadbaran City. Niadtong Enero 15, giambus usab sa BHB-Agusan del Sur ang usa ka elemento sa CAFGU sa Barangay San Isidro, Sibagat.

Niadtong Disyembre 2021, lima ka operasyong haras ang magkasunod nga gilunsad sa mga yunit sa BHB-Agusan del Norte batok sa mga pwersa sa AFP nga miatake sa Barangay Puting Bato, Cabadbaran City. Kini human nagbubu og tropa sa 29th IB ug 65th IB sakay sa 23 ka sakyanan, gikan Disyembre 12 hangtud Disyembre 23 sa maong barangay. Usa ka sundalo ang napatay.

Sa Northern Samar, tulo ang patay ug usa ang samaron sa mga pwersa sa 20th IB ug pulis sa opensiba sa BHB-Northern Samar niadtong Enero 4 sa Barangay San Isidro, Las Navas. Sa Western Samar, duha ang patay ug usa ang samaron sa elemento sa 46th IB sa opensiba sa BHB niadtong Enero 12 sa Sityo Guinpondoan, Basey. Naglunsad usab og operasyong haras ang BHB sa Barangay Pelaon, Pinabacdao, Western Samar niadtong Enero 25 kung asa tulo ang patay sa han-ay sa 46th IB ug CAFGU.

Samtang, gisilutan sa hukbong bayan si Police Staff Sergeant Jorel D. Pajac sa Barangay Calingnan, Catubig, Northern Samar niadtong Enero 10. Si Pajac usa ka upisyal sa intelidyens sa pulis sa prubinsya nga nalambigit sa pagtukod og kutay paniktik sa mga baryo sa Catubig ug Las Navas.

23 ka opensiba, gilunsad sa BHB sulod sa 2 ka bulan