Protesta batok sa Kaliwa Dam. Nagrali niadtong Enero 31 atubangan sa upisina sa Metropolitan Waterworks and Sewerage System sa Quezon City ang mga lumad ug grupong makikinaiyahan nga maapektaran sa proyektong Kaliwa Dam. Gikundena nila ang pagbwelo sa proyekto luyo sa malukpanong pagbabag sa mga residente dinhi. Gimakmak nila ang mini nga konsultasyon niadtong Enero 25 kung asa nagmaniobra ang rehimen aron pwersahon ang mga lider lumad nga mopirma sa usa ka memorandum of agreement.

2 ka adlaw nga welga sa mga manindahay. Naglunsad og 2 ka adlaw nga welga niadtong Enero 24 ug 25 ang mga manindahay sa Carbon Market sa Cebu City aron ipanawagan sa lokal nga gubyerno nga ihunong ang pribatisasyon sa merkado.

Pagdumdum sa ika-35 nga anibersaryo sa masaker sa Mendiola. Gidumdum sa mga protesta sa Cavite, Iloilo City ug Bacolod City ang ika-35 nga anibersaryo sa pagmasaker sa mga pwersa sa estado sa mga nagraling mag-uuma sa Mendiola sa Maynila niadtong Enero 22. Sa Cavite, miadto ang mga raliyista sa Patungan, Maragondon.

Masaker sa Guinyangan, gidumdum. Nagrali atubangan sa upisina sa Commission on Human Rights sa Quezon City ang mga grupo gikan sa Southern Tagalog niadtong Pebrero 2 isip pagdumdum sa kabangis sa mga pwersa sa estado sa rali sa 6,000 ka mag-uuma sa Guinyangan, Quezon niadtong Pebrero 1, 1981. Duha ang patay ug kapin 100 ang nasamdan sa maong insidente.