12 ka armadong aksyon sa 3 ka rehiyon

,
Kini nga artikulo adunay hubad sa PilipinoEnglishHiligaynon

Dose ka armadong aksyon ang nataho nga gilunsad sa mga yunit sa Bagong Hukbong Bayan (BHB) sa Eastern Visayas, Northeastern Mindanao ug Ilocos-Cordillera.

Giambus sa BHB-Northern Samar (Rodante Urtal Command) ang giusang pwersa sa militar ug pulis niadtong Abril 3 sa Barangay San Miguel, Las Navas. Duha ang napatay ug lima ang nasamdan sa tropa sa sundalo ug pulis.

Ayha niini, gipabusikaran og command-detonated explosive sa BHB ang tropang militar nga nag-operasyon sa Barangay MacArthur, Las Navas niadtong Marso 25. Tulo ka sundalo ang napatay.

Kasunod kini sa pag-atake sa BHB sa 20th IB sa Barangay Nagoocan, Catubig niadtong Marso 22. Usa ang nasamdan sa maong aksyon. Samtang, magkasunod nga operasyong haras ang gilunsad sa BHB niadtong Marso 4-5 sa Barangay Trangue, Catarman ug sa kampo sa 43rd IB sa Barangay Santander, Bobon. Usa ang napatay samtang usa usab ang nasamdan sa mga sundalo.

Gipahamtangan og silot kamatayon sa BHB-Central Negros ang elemento sa CAFGU nga si Jeger Flores sa Barangay Sandayao Patrol Base ng 62nd IB sa Guihulngan City, Negros Oriental niadtong Abril 10. Sangkot si Flores sa pagpaslang kay Arnold Suerte, usa ka mag-uuma, niadtong Enero.

Sa Surigao del Norte, giambus sa BHB ang giusang pwersa sa 30th IB ug PNP sa Barangay Binukaran, Malimono niadtong Marso 26 sa hapon. Duha ang nataho nga samaron sa han-ay sa mga sundalo ug pulis.

Niadtong Abril 6, duha ka elemento sa CAFGU ilalum sa 30th IB ang nasamdan sa ambus sa BHB sa Sityo Tumay-as, Barangay Ferlda, Alegria sa parehong prubinsya. Sa misunod nga adlaw, giaresto sa mga Pulang mangugubat ang duha ka aktibong aset sa 30th IB sa Barangay Mayag, Sison.

Nakumpiska sa yunit sa BHB gikan dinhi ang pipila ka gamit militar lakip ang mga backpack, combat boots, mga selpon, GPS tracker ug usa ka pistola.

Giambus usab sa mga Pulang manggugubat sa BHB-Agusan del Norte ang nag-operasyong yunit sa 29th IB nga may 40-katawo sa Palo 12, Barangay Poblacion 2, Santiago niadtong Abril 14. Duha ka sundalo ang namatay.

Samtang, tulo ka sundalo ang nasamdan sa operasyong haras sa BHB-Kalinga sa detatsment sa CAFGU sa Barangay Mabaca, Balbalan niadtong Pebrero 4. Upat ka elemento usab sa 24th IB ang napatay sa kontra-reyd sa BHB sa Barangay Anayan, Tineg, Abra niadtong Marso 23.

12 ka armadong aksyon sa 3 ka rehiyon