Lima ka armadong aksyon ang ginlunsar sang mga yunit sang Bagong Hukbong Bayan (BHB) sa Northeastern Mindanao Region sa nagligad nga mga semana.

Ginparalisa sang BHB-Surigao del Norte ang dump truck kag payloader sang isa ka kumpanyang kwari sa Magtiaco River, Barangay San Pedro, Alegria, Surigao del Norte sang Abril 19. Ginatantya nga ₱5.7 milyon ang balor sang halit.

Ginpapanaog sang BHB ang sangsyon batuk sa operasyong kwari nga ginapanag-iyahan sang konsehal sang Alegria nga si Ruel Jalasan bangud sa pagkasamad sang kapalibutan kag ilig sang tubig sang amo nga suba nga nagadulot sang pagbaha sa mga kaiping nga lugar. Wala ini nagapanweldo sang maayo sa mga mamumugon.

Sa Lianga, Surigao del Sur, gin-isnayp sang BHB ang isa ka yunit sang 3rd Special Forces Battalion sang Abril 27. Sa masunod nga adlaw, gindis-armahan sang BHB ang isa ka kandidato sa pagka-alkalde sa banwa sang San Miguel bangud sa paggamit niya sang mga armadong maton para pahugon ang mga botante. Nakumpiska kay Rolmar “Mamal” Basalan sa iya balay sa Purok 1, Barangay Siagao ang isa ka ripleng M16, tatlo nga kalibre .45 pistola, pito ka radyo, mga magasin kag bala.

Sang Abril 30, ginpalukpan sang BHB-Surigao del Sur ang nagaoperasyon nga tropa sang 36th IB sa Barangay Nurcia, Lanuza. Nareport ang duha nga kaswalti sa kubay sang mga suldado.

Sa pareho nga adlaw, naglunsar sang operasyon haras ang BHB-Agusan del Norte batuk sa kontra-insurhensya nga yunit sang Special Action Force sang mga pulis sa Purok Santol, Barangay Los Angeles, Butuan City.