Sa Pangkalibutanon nga Adlaw sang Hilway nga Pamamahayag sang Mayo 3, nangako ang mga mamahayag nga Pilipino nga pangapinan ang hilway nga pamamahayag sa pungsod labi na sa panahon sang eleksyon. Ini sa atubang sang ila pagkabalaka angut sa mga atake sa mga myembro sang midya halin sa tamden Marcos-Duterte sa panahon sang kampanya.

Sa atubang sang wala untat nga pagtinguha nga kwestyunon ang ila kredibilidad, kag mga pagpamahug kag harasment nga masami kasunod sa mga kritikal nga pagreport, nangako sila nga mangin mas determinado nga itib-ong ang demokrasya kag pabaskugon ang diwa sang pagbuligay kag paghiliusa. Siling nila, pagapadayunon nila ang mga koalisyon nga natukod, pareho sang para sa fact-checking kag batuk sa disimpormasyon kag mga alyansa sang pagbuligay kag suporta.

Samtang, gindumdom sang mga mamahayag ang ikaduha nga tuig sang pagkuha sang prangkisa sang ABS-CBN sang Mayo 5.