NAGMARTSA SADTONG ADLAW sang Kababainhan, Marso 8, ang mga grupo sang kababainhan sa pagpanguna sang Gabriela, kag nagkalain-lain nga demokratikong organisasyon, para ipahayag ang ila nga pagpamatok sa charter change (chacha) sang rehimen Marcos, kag ang panawagan para sa kinamatarung, palangabuhian kag kahilwayan. Nagmartsa sila halin sa España Avenue padulong kuntani sa Mendiola apang ginharangan sang mga pulis sa dalan Morayta pa lang. Naglunsar sila sang programa sa atubang sang Far Eastern University.

Sa programa, ginprisintar sang Gabriela ang isa ka obra nga nagatiglawas sa “regalo” sang rehimen Marcos sa kababainhan nga may tatak nga chacha. Sa sulod sang kahon may man-og nga nagasimbolo sang 100% nga pagpanag-iya sang dumuluong, dugang nga mga base militar sang US sa pungsod, kag pagpalawig sang pagpungko sang mga upisyal sa estado. Ang kahon ang naputos sa bandera sang US.

Ginlunsar ang kasubong nga mga hublag sa mga syudad sang Baguio, Calamba, Naga, Cebu, Iloilo, Bacolod kag Davao.