Upat nga pasista nga tropa han estado an namatay ngan duha an nasamaran ha kontra-opensiba han Bagong Hukbong Bayan-Western Samar (Arnulfo Ortiz Command o BHB-AOC) hadton Septyembre 12 ha Barangay Dawo, Oquendo District, Calbayog City.

Basar han inisyal nga report han BHB-AOC, gin-atentaran nga atakihon han mga pasista nga tropa an usa ha ira mga yunit. Pinaagi han buligay han masa ngan hukbo, nakamaniobra an mga Pula nga mangaraway agud makaghimo hin kontra-opensiba ha kaaway. Nakaatras an nasering nga yunit han hukbo hin waray kaswalti.

Samtang nagpapabilin nga pokus han pag-atake han 8th Infantry Division ha rehiyon an Northern Samar, diri pa gihapon naundang an pasista nga terorismo hini ha Western Samar.

Kalakip hini nga pangatake an duha nga insidente han terorista nga panmomba hadton Hulyo 7 ha bawnderi han San Jorge ngan San Jose de Buan, ngan hadton Agosto 1 ha Barangay Bay-ang, San Jorge.#