Archive of Articles

Nagmartsa padulong sa embahada sang US sa Manila ang mga pungsodnon-demokratiko nga grupo sadtong Pebrero 6 bilang pakig-isa sa Internasyunal nga Adlaw sang Aksyon para sa Venezuela kag Palestine. Nakatutok ang protesta agud pasabton ang imperyalistang US sa agresyon sini sa Venezuela kag henosidyo sini kag sang Zionistang Israel sa Palestine. Dala nila ang mga […]

Hugot nga ginkundenar sang pangrehiyon nga komite sang League of Peoples’ Struggle (ILPS) sa Europe ang nagasingki nga atake batuk sa pumuluyo sang Rojava nga nagsugod sadtong ulihi nga mga semana sang Enero. Ginalaragway sang ILPS ang nagakatabo nga opensiba bilang “grabe kag nagasingki nga kampanya sang kalakasan, pagpahalin kag kolektibo nga pagsilot” nga wala […]

Naglunsar sang pungsodnon nga welga ang pumuluyo sang US bilang protesta sa nagasingki nga patarasak nga pasismo sang mga ahente sang Immigration and Customs Enforcement (ICE) kag Customs and Border Patrol (CBP) sadtong Enero 30. Gintawag ang protesta nga “National Shutdown: No Work. No School. No Shopping. Stop Funding ICE.” Natabo ang 300 ka aksyon […]

Sadtong Enero 21, ginduso sang Department of Information and Communications Technology (DICT) ang isa ka hagna nga patakaran agud himuon nga rekisito ang pagparehistro sang mga Pilipino sa pagbukas sang akawnt ano man nga plataporma sang social media. Sa idalum sang hagna, himuon nga rekisito ang paghatag sang matuod nga ngalan kag iban pa nga […]

Ginapaimbestigaran sang mga Pilipinong migrante ang natukiban nga nanari-sari nga ghost project ukon indi matuod nga proyekto sang Department of Migrant Workers (DMW) kag Department of Foreign Affairs (DFA) sa US kag Taiwan. Suno sa DMW, nagtalana ini sang ₱5 milyon kada tuig para sa mga shelter ukon temporaryo nga pasilungan sang mga migrante nga […]

Gin-anunsyo sang Kilusang Bayan Kontra Kurakot (KBKK) sadtong Enero 19 nga liwat ini magalunsar sang lapnagon nga protesta kontra-korapsyon sa Pebrero 25, kadungan sang pagdumdom sa ika-40 nga anibersaryo sang pag-alsa EDSA People Power. Ang grupo ang nagpanguna sa 100,000 ka tawo nga demonstrasyon sadtong Septyembre 21, 2025 kag 20,000-ka tawo nga hublag protesta sadtong […]

  Duta sa Hacienda Luisita, ipanagtag na. Masobra 150 ka mangunguma kag mamumugon sa uma halin sa Hacienda Luisita, Tarlac, ang nagprotesta sa DAR sa Quezon City sadtong Enero 26 para kundenaron ang sobra nga pagkaatrasar sa pagpanagtag sang duta kag batuk sa pagpang-agaw sang ila duta sang mga burgesya-kumprador, pasismo kag militarisasyon sa asyenda. […]

Ginreport sang Bagong Hukbong Bayan (BHB)-Northern Samar (Rodante Urtal Command) ang pila sa mga armadong aksyon sang mga yunit sini batuk sa 19th IB sadtong Disyembre 2025. Indi magnubo sa tatlo ka soldado sang 19th IB ang napatay diri samtang may mga napilasan. Sa Las Navas, gin-ambus sang isa ka yunit sang BHB ang tropa […]

Ginkilala kag ginpasidunggan sang rebolusyonaryong kahublagan sa Negros sadtong Pebrero si Reynaldo Erecre (Ka Amek) sa iya manggaran nga amot sa pagsulong sang rebolusyon sa Negros kag Central Visayas. Ginpatay si Erecre sang pasistang mga tinawo sang 94th IB pagkatapos siya madakop sadtong Enero 30 sa Sityo Apitong, Barangay Bi-ao, Binalbagan, Negros Occidental. Suno sa […]