Kadagiti napalabas a lawas, nagisayangkat kadagiti asembliya ken protesta kontra korapsyon dagiti progresibo a grupo kas panagsagana iti dakkel a protesta inton Pebrero 25, maika-40 anibersaryo ti panagrukwas iti EDSA. Panawagan kadagitoy nga aktibidad ti panagpasungbat iti amin a karaman manipud iti tuktok.

Idi Pebrero 14, inyuna ti Kilusang Bayan Kontra Kurakot (KBKK) ti asembliya ti nasurok 50 organisasyon iti University of the Philippines-Diliman idiay Quezon City. Nagipatulod ti mensahe ti pannakikaykaysa iti asembliya ni Bishop Gerardo Alminaza, pangulo ti Caritas Philippines ken pangulo ti Catholic Bishops’ Conference of the Philippines Episcopal Commission on Social Action. Iti didiay nga aldaw, maysa a naisina a taripnong ti insayangkat ti STOP Corruption Alliance idiay Davao City.

Dua a Black Friday Protest idi Pebrero 13 ken 20, ti inyaramid dagiti alyado nga organisasyon ti KBKK. Naisayangkat dagiti tignay iti uppat a syudad iti National Capital Region, Baguio City, Bulacan, Laguna, Cavite, Batangas, Cebu, Iloilo ken iti Tacloban City.

Idi Pebrero 20, pinaritan dagiti lokal nga upisyal ti Quezon City dagiti progresibo a grupo nga agisayangkat ti rali idiay EDSA ken umawag ti panagpababa ken Marcos iti poder.