Mindorenyo, kontra dredging. Nagprotesta dagiti residente ti Barangay Iriron, Calintaan, Occidental Mindoro idi Pebrero 6 tapno ireklamo ti dredging a maar-aramid iti barangay da nga awan pammalubos. Kinundenar da ti panangdadael ti kumpanya nga Ovada Philippines Inc. iti barangay da.

Dagiti nakurapay iti QC, nagprotesta kontra iti pangta a demolisyon. Sangsangkamaysa a nagprotesta dagiti residente ti Sityo San Roque ti Barangay Bagong Pag-asa, Quezon City idi Pebrero 10 tapno supyaten ti pangta a demolisyon iti tallo nga erya iti nasao a sityo. Nasurok 300 pamilya ti mapatalaw para iti plano a panagpalawa ti kalsada agturong iti mall a Vertis North a tagikwa dagiti Ayala.

Panagtaray ni Sara Duterte a presidente, nababalaw. Nagisayangkat dagiti progresibo a grupo iti Ateneo de Manila University idi Pebrero 19 kas panangbatikos iti anunsyo ni Sara Duterte idi Pebrero 18 a tumaray isuna a presidente. Ti deklarasyon ket inawagan ti Bagong Alyansang Makabayan ken Koalisyong Makabayan kas minamauyong ken desperado a gandat a libasan ti sungsungbatan na iti sango dagiti reklamo ti impeachment.