Niadtong Nov. 27, 2021, Usa ka mag-uuma nga si Cevirino “Boy” Makilang, residente sa Tagbungabong Remedios T. Romualdez (RTR), Agusan del Norte, gi-planted og .45 pistol ug gidakop sa Police RTR uban ni brgy. Capt. Consolacion “Diding” Rama ug 1st Councilor Marlon Apat.

Nag-atubang kini sa kasong illegal possession of fire arms ug kasamtangan nga naka-detain sa MPS-RTR.

Niadtong Jan. 28, 2022, Usa ka mag-uuma nga si Reynaldo Gaan residente sa Brgy. San Antonio, RTR-ADN ang gidakop sa CIDG ug PNP CBR sa alledged nga kasong Attempted Murder tungod sa paglambigit niini sa nahitabong Ambush sa NPA batok sa Patrol base sa San Antonio niadtong Nov. 29, 2018, kasamtangang naka-detain sa MPS-CBR.

Among gisaway ug giawhag ang mga official sa barangay nga mopahayag aron idepensa ang mga katungod sa inyong mga membro sa baryo ug mga botante. Daw wala man kamoy panginlabot man lamang sa mga nahitabo.

Among pagpadungog-balik, ang pagwarning sa mga hingtungdang mga official sa barangay, mga huwes sa lain-laing branches nga nagapang-isyu og warrant of arrest batok sa mga civilian ug paghimo og tinumo-tumo nga mga kaso.

Laing pagpanglapas kini sa tawhanong katungod sa mga yanong mag-uuma, mag-atubang kamog kaso sa Rebolusyonaryong Hukumang Bayan.

Among gi-awhag nga magmatinud-anon sa pagsunod sa balaod sa tawhanong katungod (CARHRIHL) ang mga indibidwal nga anaa sa mga serbisyo ug dili basta magpadikta ug buta nga nagsunod2x sa programa Ilalom sa NTF-ELCAC sa Rehimeng-US-Duterte.