PINARARANGALAN ng Celso Minguez Command-NPA Sorsogon ang apat na Pulang mandirigma na nagbuwis ng buhay sa nangyaring sagupaan sa Gabod, Bulan, Sorsogon nitong Disyembre 15. Magiting nilang hinarap ang magkasanib na pwersa ng 31st IBPA at PNP Mobile Force Company na sumalakay sa kanila upang tiyakin ang ligtas na pag-atras ng kanilang kasamahan.

Sina Robert Estiller (Ka Mio), Gaspar Gracela (Ka Gabby), Eddison Omrog (Ka Lito) at si Ka Poy ay mga bayaning walang pag-iimbot na nag-alay ng kataas-taasang sakripisyo sa pagsusulong ng rebolusyon.

Hindi matatawaran ang panahong isinerbisyo nila bilang mga pultaym na mandirigma ng bayan. Hindi sila malilimot ng masa at mga kasamang nakahalubilo at nakaisa nila sa buhay-at-kamatayang pakikibaka.