NAGPIKET ANG MGA residente sa Barangay 654 sa Intramuros, Manila atubangan sa hulgang pagdemolis sa ilang mga balay niadtong Setyembre 24. Isip tubag, nagdeploy si MGen. Debold Sinas og mga pulis sa lugar pagkagabii aron sumpuon ang pagsukol sa mga residente.

Sa Tondo, mikabat sa 5,000 ka residente ang nakatakdang palayason sa ilang mga balay sa Katuparan Housing Project sa Vitas, Tondo, Manila. Una na nga nakadawat og pahimangno ang mga residente niadtong Setyembre 1 nga magpalayas kanila sa lugar sulod sa 15 ka adlaw.